парК е насекаде

Центарот за креативно живеење парК се' уште нема свој објект, но додека не го оформи - парК е насекаде. На 21 април парК ќе биде во Кинотека на Македонија, во галеријата и задниот двор, од 10 до 20 часот.

Го славиме Квинсдеј, преку славење на едно од најпрепознатливите обележја на Холандија и еден од најзините главни извозни производи - креативноста.

Ќе прикажеме дел од креативните активности на децата од Општина Карпош, а тие ќе настапат заедно со свои млади и повозрасни колеги, за да знаат дека креативноста, културата, уметноста можат да се дел од нивниот живот во секоја доба, а може да им станат и професија.

парК ги повикува сите, и возрасни и деца, како публика или како идни членови на парК - кажете ни кои ваши идеи би сакале да ги остварите заедно со парК. Ќе се сретнете и со луѓе кои токму со парК почнаа да си ги остваруваат соништата.

Посетителите ќе ги пречека Нестле, со Нескафе и Несквик, а настанот го помогнаа и Кнауф и Графити шоп Хром кои ги обезбедија ѕидовите и боите за графити-артистите.

***

парК (голема буква К, за креативност и култура) e центар за креативно живење, а не само културен центар, зашто тој се стреми да ги опфатиме сите страни на креативноста, па воедно и да ја демистифицираме - како можна професија, хоби, начин на размислување, животна стратегија, висока вредност за бизнисите. - велат Дејан Спасовиќ и Јасна Шоптрајанова од парК. -
Целта е да создадеме постојан и голем простор отворен за вонинстутиционалниот културен сектор, да обезбедиме отворен канал за соработка со властите и корпоративниот сектор, како и простор за аматерите - за учење, работилници, сцена, соработка со професионалци ... Истовремено, центар што ќе развива и образува публика, ќе им овозможи на граѓаните да понудат идеи и да го побараат сегментот од културата што им недостасува.
Иницијативата постои од почетокот на 2010, а во меѓувреме веќе бевме ко-организатори на Неделата на дизајн во Скопје, заедно со Паблик рум и Плакарт, покренавме млад бренд за дизајн и редизајн заедно со Машинскиот факултет, помагаме да се организираат дизајнерите на современ накит, го поттикнавме создавањето на бистрото за жива храна Здраво-Живо, кое сега со полна пареа организира работилници и обуки, организиравме детска работилница за фотографирање настани, инициравме реоформување на нашиот најнаградуван хор, веројатно ќе вдомиме и два-три театри, една филмска продукција, неколку ликовни колективи и графити-мајстори ... Почетна поддршка ни дадоа Амбасадата на Кралството Холандија и Општина Карпош, па на 21. април во галеријата и задниот двор на Кинотека на Македонија, организираме дел од прославата на Квинсдеј со целодневен настан во којшто ќе бидат застапени сите овие сегменти, а наскоро следи и конкурс за користење на простор и термини за сите заинтересирани нови членови на оваа иницијатива.

Најава за отворањето на парК – во рамки на прославата на Квинсдеј 2012

21 април 2012, Кинотека на Македонија

10:00 – 19:00

Сликање на лалиња

- Ликовни уметници од Македонија и Холандија, одбрани од Амбасадата на Кралството Холандија

Графити во живо

- Графити артисти за парК

Хорски настапи во живо

- Хорови од основните училишта во Општина Карпош, Мешан хор „Кочо Рацин", Женски младински хор при МКЦ и други градски хорови.

12:00

Нов модел на културни институции – презентација и дискусија

- Виолета Симјановска, PAC Multimedia