Баражот во италијанската трета лига Серија Ц за пласман во втора лига Серија Б е еднакво тежок како англиски Чемпионшип. Се игра 2-3 натпревари до финале каде мораш да победиш сè за да стигнеш до втора лига. Пескара го елиминираше големиот ривал Катанија, а сега ги чека четвртфинале против Виа Пезаро. Тифозите на Пескара традиционално ја испеаа химната „Џенте ди Маре“ - Луѓе од морето. Пескара излегува на море а оваа песна беше хит испеан во 1987-ма од Умберто Тоци и Риф. Италија со оваа песна на Евровизија освои трето место.

Наполитанците ја имаат најсилната страст за фудбал во Италија, која е необјаснива. Збеснати се по ветеранот на Лацио кој им заврши голема работа.

За време на најголемото дерби во Еквадор меѓу Барселона  и Емелек кое домаќините го добија 2-0, до аут линијата каде обично седи ВАР камерата, сега домаќините наместиле шанк со натпис БАР. Имало и коњопои и пијалаци за присутните.

Бразилецот кој одигра сезона од соништата и е најсериозен кандидат за Златна топка, отишол да пропазари во маркет. Во последно време сè е почеста сликата маркет да нема касиери/касиерки и самите муштерии да си куцаат на каса. Рафиња не можеше некои производи да ги регистрира.

Англиската Премиер лига полека ќе ја спушта завесата на сезона 2024/2025. Шампионот одамна е познат - тоа е Ливерпул. Јасно е и кој ќе испаѓа во втора лига, а кој влегува од втора во Премиер. Нејасно е уште кои екипи ќе играат во еврокупови. Стручните аналитичари Гери Невил и Џејми Реднап со свое видување за најдобрите играчи сезонава.

Во 19. коло од колумбиското првенство, Индепендиенте Медељин со 2-0 го совлада Депортиво Переира. Вториот гол беше дело на Франсиско Хавиер Чавера. Голчиште!

Легендарниот белгиски дефанзивен, Јан Вертонген се повлекува од фудбал на 38 години. Има преку 700 настапи во дресот на Ајакс, Тотенхем, Бенфика и на крај Андерлехт, како и 157 репрезентативни. На последниот меч дома, од игра „го извади“ ќерка му.

Добро, овде додуше за ракомет се работи, ама пак, ова се ретки сцени и обично голманите гаѓаат од гол на гол. Кристина Младеновска Кузмановска на мечот со Ѓорче Петров 2 го изведе тоа на свој начин. Пресече топка и се проби како шило.

Фудбалерите на Каљари обезбедија опстанок во Серија А со победа во претпоследно коло над Венеција од 3:0. Има ли појако акцииште сезонава во Италија од нивното? Им ја сокрија топката.

Откако во неделата попладне ја совладаа Спарта Ротердам на гости 1-3, фудбалерите на ПСВ Ајндховен ја освоија шампионската титула, 26-та во Холандија во нивната клупска историја. „Филипсовци“ играа убав фудбал но имаа и огромна среќа откако во финишот на сезоната заостануваа 9-10 бода зад лидерот Ајакс кој сам се упропасти со 3 убедливи порази во низа и сам ја изгуби титулата.

Дваесет и четири годишниот руски кошаркар Никита Михаиловскиј од ЦСКА Москва има најчудно исфрлање на баскет некогаш видено. И покрај тоа има фантастични проценти, минатата сезона шутирал со 61,5% прецизност за три.

Ливерпул синоќа играше кај Брајтон на гости во рамки од претпоследното коло во Премиер лига. Црвените се шампиони уште пред 15-ина дена, па натпреварот им немаше преголема важност. Водеа 1-2, а Салах при тој резултат можеше да стави печат на нова победа. Промаши како никогаш во кариерата. Салах (28 гола, 56 поени) е во трка со Виктор Ѓекереш (39 гола, 58,5 поени) и Килијан Мбапе (28 гола, 56 поени) за наградата Златна копачка за најдобар стрелец во Европа.

Дури и петнаесетина дена откако и математички ја освоија титулата, навивачите на новиот шампион во Премиер лига слават насекаде. Синоќа на гости кај Брајтон Ливерпул изгуби 3-2 во натпревар кој за нив немаше никаков резултатски значај.

Гол дава брат му на Јамал, а потоа погледнете го син му на Рафиња. Уште во пелени умее да го имитира татко му како ги прославува головите. Цар.

Во завршницата на грчката кошаркарска Суперлига, Арис со 114:109 го совлада Маруси. Овој натпревар ќе се памети во Грција по тоа што на него дебитираше 14-годишниот Парис Клонцарис кој заигра за гостите од Маруси. Со 14 години, 4 месеци и 1 ден стана апсолутно најмладиот дебитант во грчката но и еден од најмладите во европската кошарка.

Океј, Ливерпул, Баерн и ПСЖ предвреме завршија работа и направија да спласне жарот во тие три лиги. Обрнете внимание на овие топ 5 успеси на сезоната кои имаат посебен шмек. Може и Тотенхем да влезе во ова друштво, ако во среда го победи Манчестер Јунајтед во финалето од ЛЕ. Нив последниот трофеј им е во Комјунити Шилд 2008-ма.

Одамна толку познати имиња, квалитетни фудбалери не се нашле заедно на долгиот список со имиња на кои летово им истекува договорот со актуелните клубови и стануваат слободни играчи во потрага по нов клуб.

Верувале или не, уругвајскиот голман Фернандо Муслера веќе 14 години е член на Галатасарај. Легендарниот голман остана долго во турскиот фудбал. Освои еден куп пехари во првенство, во Куп. Сега кога Галатасарај ја обезбеди шампионската титула пред Фенербахче на Мурињо, на мечот против Кајзери, соиграчите му дадоа на Муслера да изведе пенал. Колегата му го процени ама топката на крај заврши во голот.

Атлетико Мадрид го совлада убедливо Бетис со 4:1 во претпоследното коло од Ла Лига. Првиве ќе играат во ЛШ, вториве во ЛЕ. Прво уживајте во страшниот слободен удар на Хулиан Алварез, а потоа во акробацијата на Пабло Форналес кој доби топка во стилот на Иниеста.

Зад името на Деклан Рајс сезонава ќе останат запишани низа на атрактивни голови. Уште се зборуваат двете негови ремек дела против Реал Мадрид, а викендов постигна многу важен гол во директниот дуел за ЛШ со Њукасл. Убавиот погодок значи 3 бода и математички пласман на втора позиција за Топџиите.

Секаде во финишот на сезоната има драматични завршници, солзи радосници, прослави и таги. Некој ќе се радува на шампионска титула, некој на пласман во еврокуп, некој ќе тагува што неговата екипа испаднала во втора лига. Ама она што му се случи на Ајакс е најболен момент на сезоната.

Во последното коло од француската Лига 1, Стразбур кој се бореше за еврокупови и беше при горниот дел на табелата цела сезона, се сретна во неделата со Ле Авр кој се бореше грчевито за опстанок. Домаќините водеа на два пати, но гостите се враќаа. На крај во 90+9-та минута од судиско продолжение пенал за Ле Авр! Се приближува Абдулаје Туре кој и претходно даде гол од пенал. Во последни секунди шут за опстанок во лигата.

На драмата во Серија А и нема крај. Парма - Наполи 0:0, Интер - Лацио 2:2 со пенал во 90-та минута на Педро. И сега обрнете внимание на реакцијата на Марко Арнаутовиќ пред гол во судиско. Ова може да ги кошта титула.

Шампионската трка за скудето во Серија А синоќа достигна кулминација. Во неверојатен финиш каков што само фудбалот може да режира, Интер на коло пред крајот буквално го допре пехарот со раце но на крај веројатно титулата ќе оди во Неапол.