Вип и Сава Осигурување ги поделија бодовите
Вип 2-2(1-1) Сава Осигурување
Вип: Мартин Тодоровски 22' Никола Спасевски 15'
Сава Осигурување: Трајче Илиевски 16' 32'
Во првиот натпревар од седмото коло силите ги одмерија екипите на Вип и Сава Осигурување.
Првата фаза од полувремето помина во мирен ритам со испитување на силите и играта главно се одвиваше на средината на теренот без многу шанси и на двете страни. Како одминуваше полувремето се подигна темпото на игра што резултираше со погодок во 15та минута и водство на Вип од 1-0 и брз одговор од екипата на Сава Осигурување за израмнување на 1-1 во 16та минута. До крајот на полувремето и двете екипи креираа шанси за погодок но голманите со одлични интервенции ги зачуваа своите мрежи и на полувремето се отиде со 1-1. Во второто полувреме екипата на Вип успеа да постигне погодок преку Тодоровски за водство од 2-1. По оваа негатива екипата на Сава Осигурување се префрли во противничко поле и вршеше силен притисок кон противничкиот гол, таквата игра вроди со плод во 32та минута за израмнување од 2-2. Последните минути од натпреварот поминаа во неизвесност во кои и двете екипи имаа шанса за погодок, но сепак се задоволија со поделба на бодовите и резултат од 2-2.
Нафташкото дерби му припадна на Лукоил
Лукоил 6-3(2-1) Окта
Лукоил: Љупќо Апостоловски 12' Владимир Секуловски 20' Дејан Зиков 26' Мартин Алаѓозовски 25' 40' Станојче Коцев 34'
Окта: Живко Котевски 10' Едни Скендеровиќ 27' Душан Богосављев 36'
Интересно прво полувреме одиграа екипите на Лукоил и Окта, екипата на Окта прикажа одлична игра и во 10та минута со одличниот погодок на Котевски успеа да го отвори резултатот. Екипата на Лукоил некоку минути подоцна поточно во 12та минута преку Апостоловски успеа да израмни за 1-1. До крајот на полувремето екипата на Окта успеа да створи неколку шанси за погодок но имаше слаба реализација, а тоа го казни екипата на Лукоил која буквално во последните секунди од полувремето преку Секуловски реализара за водство од 2-1. Во второто полувреме екипата на Лукоил продолжи со притисок кон голот на Окта и во 26та минута успеа да го зголеми водството на 4-1. Екипата на Окта по оваа серија на Лукоил ја стегна својата одбрана и преку брзи контри се обидуваше да се врати во натпреварот во 27та минута Окта успеа да ја намали разликата на 4-2. До крајот на полувремето екипата на Лукоил ја имаше контролата врз играта и резултатот и го доби овој натпревар со 6-3.
С.Ц.Борис Трајковски го сочува водството во дуелот со Пекабеско
Пекабеско 1-3(0-1) С.Ц. Борис Трајковски
Пекабеско: Ѓоре Бочваров 30'
С.Ц. Борис Трајковски: Јован Димовски 37' Симон Јагодиќ 7' 36'
Израмнето полувреме без многу голови одиграа екипите на Пекабеско и С.Ц. Борис Трајковски, Екипата на С.Ц. Борис Трајковски уште на самиот старт ја превзема иницијативата и имаше повеќе од играта што резултираше со водство од 0-1 во 7та минута. По оваа негатива екипата на Пекабеско со сите сили се обидуваше да дојде до израмнување, тие успеаа да створат неколку шанси но имаа слаба реализација. До крајот на полувремето екипата на С.Ц. Борис Трајковски умешно го чуваше рано стекнатото водство и на полувремето се замина со резултат од 0-1. Во второто полувреме екипата на Пекабеско се префрли во противничко поле вршејќи притисок со цел да дојде до израмнување, тоа им успеа негде кон средината на полувремето што го направи остатокот од натпреварот неизвесен. Екипата на С.Ц. Борис Трајковски во финишот од натпреварот успеа да постигне два погодоци и да направи солидна предност од 1-3. До крајот на натпреварот Пекабеско фрли се на една карта и тргна во целосна офанзива но екипата на С.Ц. Борис Трајковски умешно го сочува водството до крајот на натпреварот за победа од 1-3.
