Првиот инцидент се случи на 2 јуни на Гран прито во Италија, пред домашните навивачи. После 18. место во квалификациите, Вале се бореше за подобар пласман, но не издржа повеќе од 8 круга:
„Се надевам дека ова ќе го паметам само како лоша етапа во кариерата“, рече Роси после разочарувачката трка во Италија.
Вториот пат падна од мотор на 16 јуни, но овојпат делумно не по своја кривица. Во една гужва на Гран прито на Каталонија не можеше да избегне хаос и падна со другите лидери:
А третото паѓање, кога веќе ги исплаши своите навивачи, се случи на 30 јуни во Асен за време на трката за Големата награда на Холандија, кога во дуел со Такаки Накагами шампионот одново имаше пад, овојпат многу пострашен од претходните два. За среќа и двајцата излегоа неповредени:
The high speed crash that brought an end to @ValeYellow46 and @takanakagami30's race! 🥺
— MotoGP™ 🇩🇪 (@MotoGP) July 1, 2019
Both riders were thankfully OK! 👍#DutchGP 🇳🇱 pic.twitter.com/83wBRGAYKm
Ако не успеавте да провалите кој е виновен, овој кадар ќе ви одговори:
Откако стана, Роси веднаш отиде кај Јапонецот да види како е:
Some things are more important than racing 🤝@ValeYellow46's first thought is to check on @takanakagami30 after their Assen crash. Thankfully, both riders were ok 👍#DutchGP 🇳🇱 pic.twitter.com/zaBRxl8LSI
— MotoGP™ 🇩🇪 (@MotoGP) July 1, 2019
Но целата ситуација е крајно непријатна: легендарниот Италијанец веќе цел месец не може да финишира. Слична ситуација во големата кариера со 391 Гран при трка му се случила еднаш: на крајот од 2011 година за време на првата сезона во „Дукати“. Тоа беше најлошиот шампионат за Роси кој имаше само еден подиум и едно седмо место во генералниот пласман.
Во тековнава сезона има два подиума и едно пето место, но општата тенденција е непријатна.
ДО КОГА ЌЕ ВОЗИ?
Големиот Италијанец во февруари наполни 40 години, но и покрај тоа ја почна својата 20-та сезона. Досега освои седум титули, а на подиумот се качувал 196 пати.
Интересно, дури и кога не му оди, тој не е лош во целост: заврши втор на Гран прито за Аргентина и Америка. Последната победа му датира од Гран прито на Холандија во 2017 година. Од тогаш Валентино Роси има девет подиуми, но во борбата за титулата сериозно не учествува од 2016 година.
Дали крајот на величествената кариера се наѕира, ќе покаже времето.
