Новата сезона за минатогодишниот четвртфиналист во ракометната Лига на шампиони со погодок ја отвори највозрасниот ракометар од Автокоманда, Ренато Вугринец. Во шестата минута од мечот се случи и првата еуфорија на мечот кога по два контра напади Металурзите дојдоа до предност од 4:1.
Тоа практично беше најголемата предност од 3 гола разлика која ракометарите на Червар успеаа да ја достигнат во првиот дел. Резултатот беше постојано тесен, а тоа се должеше на слабата одбрана на домаќините како и на одбраните на Дарко СТаниќ кои недостасуваат по првите 18 минути.
За одбележување во воведните половина час од мечот се дебитанските головите на новите засилувања Гоце Ојлевски и Павле Атман кои постигнаа по 2 гола во првиот дел, а најатрактивен момент беше цепелинот на дуото Георгиевски-Вугринец кои во 22 минута ја запалија публиката во „Борис Трајковски" за водство од 9:6.
Екипата на Пик Сегед не се предаваше и со брза транзиција лесно постигнуваше голови. Металург преку Атман и Мојсоски ги промаши единствените два удари од пенал па така на полувреме резултатот изнесуваше 13:11 во корист на нашиот тим.
Во вториот дел приказната беше сосема поинаква. Во стартните 5 минути од вториот дел патот до мрежата го пронајдоа единствено Атман и Мојсоски, а тоа значеше и 4 гола предност за домаќините. Од 10 минута своите моменти на мечот ги имаше Дарко Станиќ кој одбрани неколку клучни удари, а Металурзите тоа го искористија на најдобар можен начин.
На средина на второто полувреме ракометарите на Червар се разиграа во нападот, ги користеја грешките на Унгарците и во 45 минута имаа фантастична предност од 20:12. За 15 минути игра во вториот дел гостинските ракометари имаа постигнато само еден гол.
По препознатливата пеколна атмосфера во салата и големата поддршка од публиката, Лино Червар одлучи да свика тајм аут и да ги смири нашите ракометари, но тие продолжија во ист стил и по советите на хрватскиот стратег постигнаа уште 2 гола за 10 поени предност.
Металург успеа да стигне и до позитива од 11 гола предност и со одлична тактичка и борбена игра го заврши мечот со голема разлика од 26:16 што им обезбедува многу помирен реванш на 1 септември во Унгарија.
