Макпетрол сигурни во дуелот со Уника
Макпетрол 9-4(5-1) Уника
Макпетрол: Мишо Ѓоргиовски 11’ 14’ 17’ 24’ 26’ Игор Стојковски 3’ Александар Мишоски 28’ Марко Костенцовски 13’ 34’
Уника: Бенјамин Граинца 32’ Тимотеј Нешовски 8’ 38’ Сашо Јакимовски 32’
Возбудливо прво полувреме одиграа екипите на Макпетрол и Уника, прва во водство дојде екипата на Макпетрол со погодок во 3та минута, по ова водство следуваше одговор во 8та минута со голот на Нешовски за израмнување на 1-1. По овие воведни минути екипата на Макпетрол ја превзема иницијативата и со одлична игра во фаза на напад и одбрана успеа да се стекне со солидна предност од 4-1 во 13та минута. До крајот на полувремето екипата на Уника беше таа која го бркаше резултатот но екипата на Макпетрол не дозволи изненадување и го доби ова полувреме со високи 5-1. На стартот на второто полувреме со евро голот на Нухиу екипата на Уника успеа да го намали високото водство на Макпетрол што им даде дополнителен мотив за уште пожестоко да тргнат кон противничкиот гол. Сепак екипата на Макпетрол со одлично поставена одбрана и чести ротации на играчи ја задржа свежината во своите редови и успеа да го сочува водството и да го добие натпреварот со високи 9-4
Матрикс убедливи во дуелот со С.Ц. Борис Трајковски
С.Ц. Борис Трајковски 1-8(1-3) Матрикс
С.Ц. Борис Трајковски: Влахо Костов 11’
Матрикс: Никола Христовски 21’ 26’ Дарко Цветковски 20’ Драган Брњарчевски 28’ 33’ Петре Даиловски 18’ Симеон Коцески 19’ 32’
Првата фаза од полувремето во дуелот помеѓу С.Ц. Борис Трајковски и Матрикс помина во мирен иртам на игра во кој и двете екипи ги испитуваа силите. Како одминуваше времето и двете екипи го подигнаа темпото на игра и почнаа да се редат шанси на двете страни. Екипата на С.Ц. Борис Трајковски со голот на својот голман играч го отвори резултатот во 11та минута за водство од 1-0. По ова екипата на Матрикс се префрли пред голот на С.Ц. Борис Трајковски и вршеше силен притисок со цел да дојде до израмнување. Последните минути од полувремето екипата на Матрикс ги одигра во пеколен ритам и за само три минути успеа да постигне три погодоци за целосен пресврт и резултат од 1-3 со кој се замина на полувремето. Во второто полувреме екипата на Матрикс продолжи со високот темпо на игра и го зголеми водството на 1-4, по ова голема негатива екипата на С.Ц. Борис Трајковски беше приморана со сите сили да се префрли на протвиничката половина со цел да додјде до израмнување но таквата отворена игра ги чинеше скапо бидејќи екипата на Матрикс преку контра напади од минута во минута го зголемуваше водството за победа на овој натпревар со убедливи 1-8
Лукоил со цврста одбрана и брз напд до победа над Рамстор
Рамстор 0-5(0-4) Лукоил
Рамстор:
Лукоил: Дејан Зиков 1’ Васко Стефанов 18’ Гоце Мојсоски 35’ Мартин Алаѓозовски 6’ Антонио Фенов 5’ Марјан Цветковски 40’
Пеколен старт на екипата на Лукоил во дуелот против Рамстор, со три погодоци во раната фаза се стекна со високо водство и ја срушија целата концепција на екипата на Рамстор. По оваа негатива екипата на Рамстор мораше да направи промена на тактиката и на различни начини да се обидува да фати резултатски приклучок, тие во игра внесоа голман играч што им донесе неколку чисти “зицери“ но не успеа да ги реализира па екипата на Лукоил успеа да ги казни со голот на Стефанов во 18та минута за водство 0-4 со кој се замина на полувремето. Во второто полувреме се продолжи со висок ритам на игра во кој екипата на Рамстор на сите можни начини се обидуваше да фати резултатски приклучок но одличната одбрана на екипата на Лукоил и на голманот Цветковски ги спречи во таа намера па на крајот Лукоил славеше со 0-5.
