Искуството на ЕЛЕМ пресудно во дуелот со Уни Банка
ЕЛЕМ 10-2(5-2) Уни Банка
ЕЛЕМ: Павле Маџовски 7’ Синиша Ковачевиќ 12’ 20’ Антонио Ничевски 15’ 18’ 28’ Влатко Петровски 21’ 34’ 36’ Златко Станкоски 40’Уни Банка: Александар Змејковски 6’ 16’
Новата сезона на Бизнис Лигата на Македонија ја отворија екипите на ЕЛЕМ и Уни Банка. Дебитантот во Бизнис Лигата, Уни Банка по само 6 минути преку Змејковски успеа да поведе со 0-1, но екипта на ЕЛЕМ потпрена на своето искуство успеа да ги консолидира своите редови и правеќи целосен пресврт стигна до убедливи 5-2 на полувремето. Во второто полувреме екипата на Уни Банка се обидуваше да се врати во натпреварот но ЕЛЕМ ја сочува предноста стекната во првото полувреме и со мирна игра успеа да обезбеди победа од10-2.
Халк Банка убедлива во дуелот со Бетон
Бетон 0-8(0-5) Халк Банка
Халк Банка: Мартин Дамески 2’ 22’ 32’ Дејан Петкоски 3’ 36’ Влатко Блажевски 14’ Алпер Тахир 18’ 19’
Во вториот дуел силите ги одмерија екипите на Бетон и Халк Банка. Екипата на Халк Банка беше доминантна во текот на целиот натпревар. Уште во раната фаза успеа да обезбеди солидна предност која од минута во минута ја зголемуваше не дозволувајќи и на екипата на Бетон да заигра во свој ритам како би фатила резултатски приклучок. На полувремето екипата на Халк Банка имаше резултат од 0-5, а на крајот славеше со убедливи 0-8.
Фабрика Карпош со целосен пресврт до победа над Гранит
Гранит 4-8(4-2) Фабрика Карпош
Гранит: Кире Божиновски 1’ Стефан Тевдовски 5’ Сашо Каровски 12’ Дарко Стојановски 18’Фабрика Карпош: Љупчо Петрушевски 3’ 39’ Александар Божиков 9’ 28’ 30’ 35’ Ѓорѓи Божиков 32’ Митко Здравков 34’
Во првото полувреме екипата на Гранит влезе мотивирано и успеа да наметне свој ритам на кој Фабрика Карпош не можеше да одговори. Гранит играше контролирано во нападот и со цврста одбрана успеваше да развие контри кои ги претвараше во голови. На полувремето екипата на Гранит отиде со предност од 4-2. Во второто полувреме кипата на Фабрика Карпош успеа да го израмни резултатот и со одлична и мотивирана игра да дојде до целосен пресврт во кој на крајот извојува победа од 4-8.
