Епски пресврт на Надал за историски гренд слем број 21

Рафаел Надал испиша нова тениска историја откако во лудо исцрпувачко финале кое траеше над 5 часа, успеа да го добие Данил Медведев со 3:2 во сетови и тоа откако губеше 0:2.

За Медведев ова е големо разочарување, бидејќи две години по ред губи во финалето на Австралија опен.

Лани од Ѓоковиќ, а овој пат од Надал кој го водеше со 2:0 во сетови и изгледаше дека ита кон својата втора гренд слем титула во кариерата.

Но и покрај тоа што има 36 години и беше во тешко достижна негатива против 10 години помлад противник кој игра во топ форма, Рафа одигра страшно до крајот и уште еднаш докажа дека е синоним за борбеност и истрајност.

За него ова значи втора гренд слем титула во Мелбурн после онаа во 2009-та и рекордна 21-ва со која сега води пред Федерер и Ѓоковиќ кои имаат по 20.

Финалниот меч на гледачите им понуди атомски тенис од 5 часа и 24 минути, кој сигурно ќе остане еден од најдобрите во историјата на Мелбурн, со голема борба и неизвесност од крајот.

Со освојувањето на еден од четирите најголеми тениски турнири во светот, Надал ќе добие 2,8 милиони долари и ќе му се доближи на Новак Ѓоковиќ на АТП листата.

Поразениот Медведен ќе замине од Австралија со 1,5 милиони долари и ќе треба да плати казна од 12.000 долари за испадот во полуфиналето кога урлаше по судијата.

30 јануари 2022 - 14:11

Штета ако сте пропуштиле

Бугарите најдоа доказ че сме същи

Митот за генезата на Европската Унија

Кој ни ги украде Евреите?

Григ во ЈСП