Боде Милер опериран, толку од Светскиот Куп

Шампионот од САД вчера доживеа тежок пад на патеката во Бивер Крик во Колорадо, по што веќе денес ја оперирал тетивата на задната ложа. Златото го освои Австриецот Ханес Рајхелт пред Канаѓанецот Дастин Кук, а бронзата му припадна на Адријан То од Франција.

Боде Милер (37) е петкратен освојувач на злато на светските првенства и по сериозната повреда и операцијата во ноември, месецов конечно му се врати на скијањето. Иако се обиде пред домашната публика да оствари уште еден голем успех, Милер во еден момент од неговиот настап случајно зафати една од капиите, ја загуби контролата и падна.

Камерите веднаш во кадар ја фатија неговата исеченица, по што Милер побара лекарска помош, а утрово бил успешно опериран. Во моментот на падот, Боде Милер беше во голема предност. Супер Џи категоријата беше негов прв турнир по операцијата во ноември, а сега ќе треба да паузира околу два месеци.