ФОРХЕНД
Роџер 9: Овој удар е малку враќање назад во 80-те, порамен удар од оној на Рафа без екстремен зафат. Уништувачки од каде било на теренот, но не како што го поседува Шпанецот.
Рафа 10: Уникатен удар на кој му дава многу моќ и спин што го прави да отскокнува високо на начин што совладува многу бекхенд удари од спротивната страна.
БЕКХЕНД
Роџер 8: Повторно класичен олд скул удар кој му служеше на Роџер толку добро, посебно на побрзи површини. Неговиот бекхенд дава една доза на измама во вртењето на топчето и е подобар од оној на неговиот ривал.
Рафа 8: Област која пред 10 години му беше малку слабост во однос на разновидноста, но се подобри.
ВОЛЕЈ
Роџер 10: Неговата координација со око е толку добра што тој ја зема топката рано и може да направи што сака со својот волеј. Тој е како некој што доаѓал на мрежата многу често од почетокот на својата кариера и таму му е крајно пријатно.
Рафа 9: Тој исто така има фантастично око и во оваа област од играта понекогаш е потценет. Негова природна територија е основната линија, но повеќето играчи би сакале да го имаат неговиот допир и околу мрежата.
СЕРВИС
Роџер 9: Неверојатно прецизен во однос на изборот на неговите места и тешко за читање за неговите противници. Исто така има и одличен втор сервис од она што е уште еден класичен дел од неговата игра, непречено и скоро без напор.
Рафа 8: Ова може да се стави во друга категорија која Рафа ја подобри во изминативе 10 години, бидејќи првично му беше слабост. Тој ја прилагоди својата техника за да го направи сервисот помоќен и поразновиден.
ДВИЖЕЊЕ
Роџер 9: Јасно е дека не е баш на нивото како пред 10 години, но сепак е неверојатно добро за неговата возраст. Роџер отсекогаш се движел скоро како танчер и тој користи мали, брзи чекори за да се постави во вистинската позиција.
Рафа 10: За некој со неговата висина и мускулесто тело, тој е неверојатно подвижен. Како што видовме во неделата, начинот на кој тој се обидува да врати толку многу топки од навидум невозможни ситуации е тежок за верување.
СЕОПФАТНОСТ
Роџер 10: Може да тврдиме дека земјината подлога му е малку слабост, но очигледно има предност пред Рафа на трева. Како да не му дадете оценка 10 на некој што освои 20 Гренд Слемови?
Рафа 10: Да, повеќето од неговите трофеи се на земја, но го има Вимблдон освоено два пати и да не ги заборавиме четирите УС Опен во деветгодишен период заедно со Австралија Опен. Затоа добива 10-ка.
УБИСТВЕН ИНСТИНКТ
Роџер 10: Можеби не е како што беше на врвот на неговата кариера, но нека не ве залажува однесувањето на Роџер. Тој е немилосрден конкурент, но веројатно тоа го прави со малку повеќе насмевка од Рафа.
Рафа 10: Тој е малку повеќе отворена книга и никогаш не отстапува од неговиот изглед на жестока решителност. Тој ист така поседува вонредни моќи на концентрација во долги периоди.
ДОЛГОВЕЧНОСТ
Роџер 10: Не може да се расправате за некој кој сè уште е на врвот, а е блиску од 40 години. Мислам дека тој сè уште верува дека може да освои уште еден Слем, особено Вимблдон, инаку не би играл.
Рафа 9: Изненаден сум што продолжи долго со својот интензивен стил на игра. Не можеме да бидеме сигурни што ќе биде со него од сега до 39 години, но тој е ултра професионалец со својот стил на живеење и закрепнување, па може да игра уште некое време.
ПОПУЛАРНОСТ
Роџер 10: Еден од најголемите глобални спортски амбасадори и можеби меѓу најпознатите луѓе во светот. Можете да го сместите во друштво на Мохамед Али и Џордан. Тој веројатно е повеќе популарен од Рафа, но тоа е неверојатно висока граница.
Рафа 10: Рафа го запознав кога имаше 14 години и искрено можам да кажам дека не се променил. Мислам дека луѓето го респектираат начинот на кој тој се грижи за себе. Тоа е човек на кого енормно ќе му се восхитуваат.
На крајот од анализата Бекер потенцира дека не треба да се заборави и Новак во трката за тронот.
