Нова блескава партија на Митревски кој го спаси Порто од пораз во последните секунди

Рефлексот на битолчанецот на 36 години во Лига на шампиони е извонреден, а тоа го докажа на еден куп партии во кои се истакна како клучен играч. Браво мајсторе.

Со врвата форма која ја држи во Порто втора сезона по ред, Никола Митревски беше еден од најзаслужните што неговиот тим синоќа се врати непоразен од Германија.

Флензбург важеше за фаворит на овој дуел од 13. коло во ЛШ, но немаше рецепт за македонскиот репрезентативец кој одигра топ партија со 14 интервенции и 35% успешност на одбранети удари.

Клучната беше пред самиот звук на сирената, кога му го скроти шутот на Менсах Ларсен за конечни 26:26.

Овој бод за Порто е многу значаен во борбата за пласман во нокаут фазата.