Дуелот меѓу Вардар и Барселона во рамките на 11. коло од Лигата на шампионите беше прогласен за натпревар на колото.
Каталонците го добија со тесен резултат од 29:28 и без многу доминација, бидејќи актуелниот првак беше рамноправен противник во поголем период од средбата, а Арпад Штербик повторно беше во елемент особено во првиот дел.
Првите 30 минути понудија неизвесен ракомет со пресврти. Вардарци во еден момент направија серија од 4:0 за водство од 8:10, но го загубија минимално со 15:14.
Барселона на стартот од второто полувреме направи серија од 3:0 и до крајот на натпреварот ниту еднаш не го испушти водството кое се движеше меѓу 2 и 4 голови предност.
При водство од 29:26 Вардар во финишот успеа да врзе два гола во низа и тоа предизвика брканица на теренот во последните 20 секунди кои Барса тактични ги потроши.
Најпрецизни во тимот на Раул Гонзлаес беа Кристопанс со 7, Циндриќ со 5 и Борозан со 4 погодоци, а Штербик го заврши мечот со 14 интервенции.
Вардар останува лидер во групата А со еден бод предност пред Нант, а на 18 февруари на домашен терен го пречекува Пик Сегед.
