Со триумфот над Еурофарм Пелистер од 23:26, Вардарци на три кола пред крај во кои се апсолутни фаворити, се на чекор до шампионската титула број 15. Славењето на ракометарите почна уште во соблекувалната во битолската сала, а потоа продолжи во Скопје, каде беа пречекани од Комити.

Она што го прават навивачите на Ајнтрахт Франкфурт веќе е на широко познато во Европа. Каде и да игра нивниот тим на континентот, тие одат во многу сериозни бројки по 10-20.000 луѓе. Пред пар недели го запоседнаа буквално цел „Камп Ноу“ и издоминираа во триумфот на Ајнтрахт над Барселона, а сега го освоија и Лондон. Победа на терен 1:2 (првиот гол во 48 секунда), победа на трибини.

Шпанските фудбалски клубови обично имаат прекари врз логична основа, но Виљареал има посложен прекар за кој не е нималку лесно да се погоди од каде доаѓа: „Жолта подморница“.

Како ретко кои во Европа, тифозите на легендарниот италијански клуб Ливорно, познати радикални левичари, во неделата на стадионот „Армандо Пики“ на мечот против Фиглине во Серија Д со десетина знамиња од тн. Народна република Донбас и Народна република Луганск изразија поддршка до руската армија.

Махер на пролетта меѓу македонските корисници на Твитер е извесен 16-годишен Кореец Сео-Цин Ким кој редовно ја следи нашата фудбалска репрезентација.

Клубот вложува милијарди, носи врвни тренери, врвни играчи, прави врвна инфраструктура и веќе неколку години се поти да стигне во врвот во ЛШ. Потоа стига до полуфинале, каде Бензема им дава два гола и им се заканува со елиминација, а ти го сликаш како се радува на гол против твојот тим? Не знам, чудно малце. Еве кажете вие што мислите?

Клубот Видад од Казабланка (Мароко) ги има можеби најдобрите навивачи во цела Африка. Познати се нивните кореографии, познати се прекрасните песни и дерби дуели со ривалите од Раџа Казабланка. Сега направија нова преубава кореографија. А нивните ривали имаа исто интересен перформанс.

Далеку сме ние од вакви идеи, а не па реализации. Додека германските клубови смислуваат начини како да им го олеснат животот на своите поддржувачи, кај нас со години чекаат да им се реновира трибина и за прв пат во историја да им светне стадионот со рефлектори. На пример Тумбе кафе.

Капитенот на Челси Сезар Аспиликуета постигна гол во поразот на неговиот тим од Арсенал 2-4 на „Стемфорд Бриџ“, но и покрај тоа одредени навивачи после натпреварот му дофрлале дека недоволно се бори и тој и соиграчите. Аспиликуета тргнал кон трибината каде со раце во вис му се извинувале за повиците.

Трката за титулата во хрватската прва лига и натаму е многу интересна. Динамо Загреб е прв со 66 бода, втор е Осијек со 64 бода но и меч повеќе а трет е Хајдук со 59 освоени бода. Вечерва на „Пољуд“ во Сплит одново ќе се одигра вечното хрватско дерби во кое „билите“ ќе се обидат со триумф да ја надоместат предноста на тимот на Стефан Ристовски и Аријан Адеми кои ќе бидат стартери.

Ливерпул го прегази најголемиот ривал Манчестер Јунајтед со 4-0 и на неколку часа го презема првото место во Премиер лига. Домаќините на полувреме водеа глатко со 2-0 со головите на Луиз Диаз и Салах, а Египќанецот и Мане ги поставија конечните 4-0 на крај. На полувремето додека гостинските фудбалери се загреваа, цел КОП се мајтапеше со додавањата.

На 18 април, во 2001-ва година Баерн Минхен и Манчестер Јунајтед играа реванш од 1/4 финале на Лига на шампиони. Исклучително важен меч за двата тима. Пред натпреварот еден комичар од Манчестер кој снимал луди пранкови, излегува облечен исто како играчите на Јунајтед и се слика заедно на групната тимска фотографија.

И сега ова е расизам или човекот мисли на здравјето на другарот, па сака да му фрли да касне овошје. М?

Многу навивачки групи периодов ја поддржаа Украина и ги осудија нападите на Путин. Некои им удрија контра со анти НАТО пароли за нападите во Србија. Бугариве па Трамп го бараат назад. Секој со своето.

Претседателот на Барселона Жоан Лапорта и тренерот Чави после поразот и испаѓањето од Ајнтрахт Франкфурт на домашен терен 2:3, не можеа да се начудат како преку 30.000 навивачи на германскиот клуб стигнале до карта за „Камп Ноу“. Како од вчера да организираат натпревари и не знаат дека во слободна продажба секој е слободен да си купи карта за која било друга трибина.

Мајор Генерал Абдулазиз Абдула Ал Ансари, човек задолжен за безбедноста и сигурноста за време на Светското првенство во Катар претстојнава зима од ноември до декември, вели дека тој е против промоција на ЛГБТ и какви било политички активности.

Навивачите на Ајнтрахт Франкфурт не знаат да одат на гостување со 2, 5 или 10.000 навивачи. Царевите одат со неверојатна цифра од над 30.000, која ја достигнуваат не на меч во Германија, туку во друга земја. Кортеото кое направија на улиците во Барселона е да може да поминат они и никој друг. Па Св.Николе според последниот попис има околу 15.000 жители.

Жозе Мурињо цел живот ќе го памети норвешкиот клуб Бодо/Глимт, симпатична екипа од северна Норвешка од која на 3 средби доживеа 2 порази. Првиот беше историска бламажа за Рома, дебакл од 6-1, а изгубија повторно минатата недела во четвртфинале на Лига Конференции 2-1 на гости. Вечерва играат реванш.

Македонските навивачи многу пријатно ги изненадија и ракометарите и сите оние кои од Македонија го следеа мечот со Чешка. Во Злин ечеше македонска песна и се виореа македонски знамиња. Нашите навивачи беа речиси побројни од домашните а голем удел во тоа има македонската дијаспора од Европа.

Го имаме падобранецот на сезоната во Лига на шампиони. На Алијанц арената нема живо пиле, останати беа само техничарите кои си ја собираа опремата и туку наеднаш на терен се симнува, пази навивач на Келн на мечот Баерн - Виљареал. 22 пива има мавнато.

Погледнете ги овие сцени на Ванда Метрополитано. Суарез, Гризман, Кореа, Облак и останатите разочарани и потиштени по елиминацијата, а нивните поддржувачи во елемент, мислиш слават пласман во полуфинале. Ова е награда за нивната борбеност и стимул за да продолжат борбено и понатаму. Прекрасен навивачи гест.

Дуелот меѓу ривалите Ајнтрахт Франкфурт и Фрајбург (1:2) беше прекинат на самиот старт откако двајца активисти за зелена околина, по примерот на нивни колеги од Премиер лига, се врзаа за стативите па едвај ги вадеа.

И по месец ипол војување во Украина, навивачките групи не застануваат со осуда на сегашни и минати несогласувања меѓу соседи, решавани на крвав начин.

Само 1 минута од гостувањето против Лестер е доволно да сфатите како навивачка група може да се претвори во силен машки хор. Држат ритам, синхронизирани се и желни за песна.