ЦСКА Софија после х години се пласираше во групна фаза на еден еврокуп. Вечерва во 1. коло од Лига Европа играа дома против Клуж и изгубија 0:2. Од клубот пред 1 недела најавија дека максимално 12.824 гледачи ќе можат да го следат натпреварот со почитување на мерките. Ама очигледно 12.000 дојдоа на една трибина па крцаше. Ни маски ни бутур.

Пред 13 години играа во Куп на УЕФА, а сега се третолигаши со неизвесна иднина дали воопшто ќе постојат поради финансиските проблеми кои ги имаат. Нивните навивачи познати пo својата политичка определеност, се истакнаа со морбиден потег.

Шпанскиот прволигаш и повремен учесник во Лига Европа, Хетафе, одлучил привремено да го смени името на клубот, па до следниов викенд и мечот против Барселона во Ла Лига, ќе се вика Фе. Овој збор „Фе“ во шпански значи верба а управата соопштила дека се решиле на ова за да им помогнат на сите кои во 2020-та година поминуваат низ тешко време поради глобалната вирусна пандемија, како и на навивачите да веруваат во триумф над Барса.

Предводени од неверојатниот тандем Дејвис - Џејмс, ЛА Лејкерс ја освоија првата титула после цели 10 години, а вкупно 17-та во историјата на франшизата. Се израмнија по број на титули со Бостон Селтикс благодарение пред сè на Леброн кој одигра лудачко финале.

Во ситуација кога не можат да дојдат на стадион, навивачите на Косово се решија поддршката на нивните репрезентативци да им ја дадат денеска пред да ја минат границата со Македонија. И тоа со сите нишани, со навивачки песни и бакљи, а и по некој погрден збор за противникот.

Легендарната маскота Ганерсаурус доби отказ од клубот поради кратење на трошоците поради глобалната пандемија. Синоќа стигна вест дека Месут Озил ќе дава од џеб за плата за маскотата.

Што е со оваа Аталанта? Завршија трети со повеќе голови од Јуве и пласман во четвртфинале во ЛШ и тоа уште во деби настапот. Сезонава пак ги здробија сите први три противници, ама убедливо во нивен стил. Лацио 1:4, Торино 2:4 и Каљари 5:2.

Првичниот свет на кој сме навикнати продолжува да се менува. Арсенал, клуб пред чии домашни натпревари секогаш на терен ја гледавме маскотата Ганерсаурус, реши да се збогува со омилениот лик на навивачите.

После многу неизвесности околу тоа дали Црвена звезда ќе гостува во Ерменија каде требаше да игра против Арарат во плејофот за Лига Европа, УЕФА одлучи да го префрли натпреварот на Кипар поради воениот судир во Нагорно-Карабах меѓу Ерменија и Азербејџан.

Навивачите на Мајами Хит го славеа пласманот во финалето на НБА каде се среќаваат со Лејкерси. Новинарка известува во живо и кешки да си останеше на тема кошарка. Се скина од извинување и сега стрепи да не ја набркаат од работа.

На денешен ден 24 септември 2017 година се одигра еден од најжестоките дерби дуели во Британија - дербито на градот на железото Шефилд Венздеј против Шефилд Јунајтед. При резултат 2-2, домашните грмат на трибините, а гостите чекаат нешто да се случи. Марк Дафи ги носи во водство во 67' и 30.000 оддеднаш замолкнуваат во штама.

ФК Беласица има 6 порази по првите 6 кола во првата фудбалска лига, како и очајна гол разлика од 1 даден и 17 примени голови. Навивачите направија инцидент, само нејасно е со кого се тепаат, освен што се забележуваат полицијаци на снимкава.

Лејтон Ориент, клуб познат воглавно на љубителите на тикети во кладилници, игра во Лига2 (четврта дивизија во англиската фудбалска хиерархија). Во саботата Лејтон играше дома против Мансфилд (2:2), а поради тоа што во Англија и натаму се игра без публика, некои навивачи на Лејтон решиле да искористат поволност што до самиот стадион има станбена зграда, па изнајмиле стан да гледаат фудбал во живо.

2020-та не престанува да изненадува. Израелскиот Беитар соопшти дека управата почнала преговори со група инвеститори од ОАЕ (Обединети Арапски Емирати), како продолжение на нормализацијата на односите меѓу двете земји која се одвива деновиве под покровителство на САД.

Коринтијас тргна лошо во бразилскиот шампионат и има само две победи по првите 9 кола. Последниот пораз им е од Флуминенсе по што настана голема мешаница и турканица пред нивниот клупски автобус. Навивачите им се сипаа, а овие фатија да бегаат внатре.

Ливерпул и Лидс со 7 гола (4:3) со огномет ја отворија сезоната во Премиер лига. Новиот премиерлигаш го бодри и едно семејство кое пред 16 години направило фотографија со банер на кој пишува WE''LL BE BACK. И се вратија.

И покрај предупредувањата од Ангела Меркел и здравствените лица, дека враќање на гледачите на трибини би можеле да распалат нова епидемија, во Германија навивачите веќе се збогуваа со вирусот.

Мак фудбалот кој и онака е тапа со посетеност, сега нема ич публика, тоест забрането е. Викендов се играше градско дерби на два љути ривали, Вардар vs Шкупи или Слога по старо. Црвено црните славеа 1:0, а Комити беа во транс во нивната база на само неколку метри од Градски.

Пред две недели германската канцеларка Ангела Меркел и премиерите на федералните земји донесоа решение да се продолжи забраната за посета на гледачи на натпреварите од Бундеслига минимум до 31 октомври 2020 година. Но работите се менуваат од ден на ден.

Во американската МЛС лига, Сан Хозе го пречека Колоради и ремизираа 1-1. Домаќинот поведе преку Крис Вондоловски од интересно изведен пенал. А и прославата беше јака со фарови, трепкачи и сирени.

Ако во последните пар години Меси знаеше да трзне дека ќе си оди, па го наградуваа со нов раскошен и богат договор, овојпат Аргентинецот како да е цврсто решен дека сака да смени клуб. Навивачите на Барселона се исто толку свесни дека овојпат приказната „волк, волк“ е вистинита.

Општо е познато големото ривалство меѓу навивачите на Олимпик Марсеј и Пари Сен Жермен. До толку големо што илјадници приврзаници на Марсеј вечерва излегле на главните градски улици да го прослават поразот на нивниот вечен ривал во финалето на Лига на шампиони.

Поучени од долгогодишно искуство и водени од настаните од минатата недела кога стотина приврзаници на Олимпик патролилале по градот, марсејската полиција реши дека е подобро да спречи отколку да лечи.

Сезонава постигнаа рекордни 98 гола и само Сити (102) и Баерн (100) имаат повеќе од нив. Дебитираа во ЛШ маестрално и тоа не само со поминување групи, туку и со пласман во топ 8 откако ја попарија Валенсија со вкупни 8:4. Плус до 90-та минута против ПСЖ имаа в рака и полуфинале.