Најстариот клуб во Италија после една сезона во втора лига, експресно се врати таму каде што припаѓа, во елитната Серија А. По повод новите сезонски влезници за новата сезона, Џеновјаните снимија видео од кое се буди голема страст за сите убавини на овој голем град на море, клуб, стадион...

ФК Вардар ги запали моторите и почна да се спрема за кам бекот во прволигашката конкуренција. Се вратија на Градски, нивниот дом со децении и уште на првиот тренинг добија голема поддршка од Комити.

Со Обрадовиќ никогаш не знаеш на што си, па макар се работи и за постар господин кој од радост на душата за титулата на Партизан, ќе тргне да се гушка со играчите и стручниот штаб. Цвикерите ќе му ги искршеше од бес.

Во финалето на Лига Нации синоќа во Ротердам имаше преку 25.000 хрватски навивачи. Го обоиле „коцкестите“ градот и трибините во боите на хрватското знаме. На крајот Шпанија победи на пенали, а хрватските навивачи се забавувале и на улиците каде во еден момент на некоја жителка ѝ пееле рефрен од турбо фолк песна.

Не беа баш умни синоќа навивачите пред финалето од Конференциската лига. Чешката полиција уапсила 16 навивачи, а инцидентите почнале откако навивачи на Фиорентина во бар во центарот на Прага ги нападнале навивачите на Вест Хем. Нападнат бил и еден полицаец, а има тројца повредени.

На 16-ти октомври 2021-ва година поради не баш добри резултати, најжестоките тифози на Наполи му украле волан и цд на Лучано Спалети од неговата омилена Фијат Панда. Паралелно кај стадионот закачија и парола: „Спалети, Пандата ќе ти ја вратиме, доволно е само да си одиш“.

Паола Саулино е модел и инфлуенсерка, која ветила дека ако Наполи го освои Скудетото, ќе слави гола. Ветено-сторено и тоа со специјално изработен дизајн на гола кожа за што биле потребни 7 часа работа. Амблемот на клубот на стомак, на газот број 3, а на грб името со број 69. По улици шетала со обезбедување и фотограф.

МЗТ Скопје ја доби и третата пресметка против Пелистер во финалето и со тоа стигна до нова титула во македонскиот шампионат, вкупно 10-та. Гостите подобри на паркетот во салата Боро Чурлевски, а домашните навивачи поуспешни од гостинските. Се пофалија дека им здиплиле маица.

Познат под прекарот Нолси, овој 50 и кусур годишен навивачки ветеран како кегли удираше десетина пилиштари од АЗ Алкмар кои се дрзнаа да влезат на трибина каде седеле роднини и деца на играчите на Вест Хем. Нолси се затекнал на самиот влез и ги спасил. После ова стана јунак меѓу многу навивачи а неговите „чекани“ му дадоа карта за големото финале на Лига Конференции против Фиорентина, му ветиле сезонска карта за следната сезона и добил портрет.

На големото дерби од шведската лига меѓу Јургорден и АИК Стокхолм, домашните поведоа во 82’ минута преку бекот Маркус Даниелсон. Тоа беше причина на гостинската трибина навивачите да направат голем пожар после што мечот беше прекинат пред време. Шведската влада повикала итна седница на која се разгледувале мерки после големите нереди на 28-ми мај на арената Теле2 во Стокхолм.

На 29-ти мај 1985-та година пред почетокот на големото финале на Куп на европски шампиони меѓу Јувентус и Ливерпул, во Брисел на стадионот „Хејсел“ се случи една од најстрашните трагедии во историјата на фудбалот.

На централниот плоштад во Минхен, во срцето на градот, илјадници навивачи на гигантот Баерн ја прославија шампионската титула, единаесетта по ред, со сигурност најлудо освоена од сите претходни. Со гол во последни секунди. На славјето беа и фудбалерките од женскиот состав кој во неделата ја освоиле титулата шампион.

По примерот од Италија каде прво во Удине, а потоа и во некои други градови, на навивачите на Наполи насилно не им беше дозволено да слават титула по туѓи градски улици, во неделата во Кавадарци поединци од навивачките групи Лозари Кавадарци и Чкембари Битола решиле да тргнат во лов по оние кои се дојдени со вардарови обележја.

По сите маки цела сезона, без плата, ама со страшно силна волја, Вардарци со огромна помош на Комити стигнаа до бараж битката вредна кам бек во првата лига. Противник е тимот на Скопје, а мечот се игра во Кавадарци каде црвено црните ќе имаат голема поддршка. Вардар брка пласман во прва лига после две сезони, а Скопје ќе се обиде да остане во елитата трета сезона по ред.

Во полуфинале на Лига Конференции, лондонски Вест Хем и на гости го победи холандски АЗ Алкмар со 0-1 па со вкупен резултат 3-1 после двата меча, влезе во големото финале каде ќе игра за пехарот против Фиорентина. Пред и после мечот домашните и гостинските хулигани се судриле директно и на улица и на трибини.

Навивачите на Интер и Милан до совршенство ги доведоа кореографиите на големите натпревари. Интер синоќа го урнал и рекордот од заработка од продадени карти кој го држеше токму Милан. На реваншот тифозите кренаа кореографија по целиот стадион, на сите трибини. И росонерите имаа свој перформанс, опкружени од сино-црни бои.

Додека голем дел од нивните соиграчи кои беа дел од славната трофејна генерација која во 2009/2010 освои дури три пехари, Марко Матераци и Весли Снајдер синоќа од жариштето на интеровата трибина, водеа навивање меѓу ултрасите.

Италија вечерва ќе биде поделена куќа по куќа, кварт по кварт, општина по општина, што всушност и не е некоја новина. Северот го држат навивачите на Милан, а Центар и Југ оние на Интер.

Во најнеизвесната завршница на грчката Суперлига во последните дваесетина години, за титулата до крај се бореа АЕК и Панатинаикос, двата клуба од Атина кои искористија што хегемонот Олимпијакос е заспан веќе подолго време.

Барселона со 2-4 го победи лутиот градски ривал Еспањол на негов терен и теоретски ја освои шампионската титула, прва после четири години. На крајот од мечот домашните навивачи влетаа на терен и го прекинаа гостинското славје.

На денешниот луд натпревар меѓу Лидс Јунајтед и Њукасл Јунајтед на кој домашните се бореа за бодови за опстанок а гостите за бодови за Лига на шампиони, имаше дури три пенали, црвен картон и четири гола. На крајот праведни 2:2. Еден домашен навивач упаднал на терен и му се пушти на гостинскиот тренер Еди Хау. Со законите од Маргарет Тачер наваму, којзнае што го чека.

Во 1987-ма година кога Наполи го освои своето прво шампионско скудето во клупската историја, некои духовити навивачи, на централните градски гробишта Поџореале закачиле парола со натпис: „Не знаат што пропуштаат“. Слична парола на исто место закачиле и сега, по незапаметените прослави ширум градот каде деноноќно се славеше заслужената шампионска титула.

И покрај тоа што имаа комотна предност од 18 поени разлика среде Мадрид, Партизан не успеа да ја добие мајсторката против Реал, вредна фајнлфор во Евролигата. Кошаркарите со спуштени глави се вратија во Белград, ама наидоа на голема и гласна поддршка од навивачите, без разлика што прокоцкаа предност од 2:0 во серијата.

Интер го совлада Милан со 0-2 на номинално гостински терен и практично со една нога е во големото финале на Лига на шампиони. Актуелниот шампион на Италија ја одигра можеби најслабата средба сезонава и во клучниот дел од истата падна во форма. Единствено што држат форма се навивачите кои неуморно ги креваат најубавите кореографии во Лига на шампиони.