На пријателска во Белгија, Андерлехт го совлада Лацио со 3:1, а домаќините го претставија најголемиот кандидат за водач на нивната навивачка група.

Во срцето на Сицилија единствено нешто околу кое се обединуваат различните култури, националности и вери е фудбалскиот клуб Палермо.

Најзагреаните македонски навивачи на Манчестер Јунајтед влегоа во нашиот караван на посети кои со голем ќеиф ги правиме во фан клубовите. Вчера наполнија пет години откако се собираат заедно да ги гледаат „Црвените ѓаволи“, а ние им честитаме и за денешното големо засилување.

Не се ниту на стадион, ниту на тренинг, туку на железничка станица, но кога го имате најдобриот водач атмосферата е како на дерби.

Во 1. коло од хрватското фудбалско првенство во недела на Максимир од 19 часот играат Динамо и Хајдук. По апсењето на браќата Мамиќ, навивачката еуфорија се враќа меѓу Хрватите.

Читателот кој ни објасни дека без разлика на квалитетот на нашите репрезентации, поддршката наместо со мобилен на вц шолја, треба да се даде на лице место, овој пат ги собра на купче сите навивачки групи од Македонија. Резултатот е преинтересен. Сме имале Улави, Багабонти и Ѓаоли.

Околу 3.000 најверни навивачи на Бетис присуствуваа на тренингот на нивниот омилен клуб. Пеколното време не ги спречи во намерата да им дадат поддршка на своите идоли кои направија кам бек во Примера. Засилување во новата сезона ќе им биде искусниот Рафаел ван дер Варт.

Најдобриот фудбалер на Шведска У21, Јон Гвидети знаеше како да ја запали масата која дојде да ги поздрави европските шампиони од Чешка. Го зема микрофонот и водеше навивање како цел живот да е качен на шипка на трибините.

Некој ќе каже, немаме резултати, ужас сме, катастрофа, дебили играат. Какви-такви, наши се и треба барем да пробаме да им дадеме поддршка па на крајот ако не чинат ќе ги пцуеме и кудиме. Вака, со седење од фотеља (а по ново и од вц шолја со мобилните во раце) нема никогаш ништо да смениме.

Кошаркарите на Црвена звезда ја прекинаа доминацијата на вечниот ривал Партизан кој 13 години по ред беше шампион. Навивачите и играчите на црвено-белите знаеа како да ѝ се израдуваат на титулата на Калемегдан во Белград.

Прилепчанецот Никола Брајановски возеше 100км со точак до Охрид за во друштво да го следи полуфиналето од ЛШ против Барса, а Александар Змејкоски на Олимпико во Рим имаше можност да гледа како неговиот омилен тим победува 7:1. Ви ги претставуваме навивачите кои не трепкаат кога игра Баерн.

Втор пат во претходните 17 години Панатинаикос остана без титула во кошаркарското првенство на Грција, а Олимпијакос е новиот шампион. И Перо Антиќ во живо беше на прославата.

Уве Биндел е еден од тие навивачи на кои им е поважен фудбалот од годишнината со жена му која наместо на одмор, за 20 години од брак ја однел во Баварија да гледаат финале во Лига на шампиони. Ќе го стегнеше срце кога по 32 години се сретна со идолот.

Не е ниту Светско, ниту Европско, а ниту квалификациски натпревар, но за навивачите на Белгија тоа не менува ништо. На гостинскиот пријателски дуел против Франција отпатуваа околу 6.000 и си поминаа како да биле на Мундијал. 

Тимот на Лех Познан по седми пат во својата историја ја освои титулата во Полска. Лех во последното коло ја совлада Висла со 2:0 и ја сочува предноста пред лутиот ривал Легија Варшава. Домашните навивачи направија фантастична кореографија зачинета со многу бакљи.

За рубриката „навивачи“ следни кои ни ги раскажаа своите искуства поврзани со омилениот клуб оддалечен на 2.000 км се македонските фанови на Лацио. Тие имаа две среќни ждрепки во Лига Европа кои им го донесоа Лацио во Скопје и Софија. 

Големото градско дерби на Рим ниту овој пат не помина без проблеми. Пред и после натпреварот навивачите на двата клуба се судрија околу Олимпико, а двајца навивачи на Рома се избодени со нож.

Навивачите на Јувентус после цели 12 години повторно ќе го гледаат својот тим во финале на Лигата на шампионите. Тоа беше доволна причина да побудалат од радост.

По италијанските и англиските ФАН клубови, свое место во караванот на Офф.нет доби и ФАН клубот на Реал Мадрид од Македонија. Ни раскажаа за вистинското лице на Пепе, за ракувањето и средбата со Флорентино Перез и идејата Реал да отвори камп во нашата земја.

Во Јужна Америка често пати работите на фудбалски натпревар излагуваат од контрола. Така беше и во еден понизок ранг каде во финалето Форталеца стана првак со гол во последните мигови од средбата. Судијата свирна крај, а тоа беше почеток за војна на теренот.

Неделното дерби Торино - Јувентус го обезбедувале 400 редари, ангажирани од домаќинот и приморани да ја работат работата на полицијата за 30 евра. Има многу инциденти за кои ги обвинуваат нив, а не полицијата.

Клупскот автобус на Јувентус бил нападнат пред градската битка со Торино, од која Бјанконерите излегоа поразени 2-1. Тоа беше прв триумф на Биковите над Јувентус после цели 20 години.

Во продолжение од дерби серијалите на ЕСПН, редот му дојде на еден од најжестоките дуели во Европа. Оној во Атина, каде право чудо е ако натпревар меѓу зелено и црвено-белите не се прекине и ако нема повредени.

Сме ги виделе на фудбал и кошарка, но не и на одбојка. Пред 8.000 френетични навивачи, ПАОК успеа да го совлада Панатинаикос во полуфиналето на тамошниот одбојкарски плејоф 3-0 во сетови. Во финалето Солунците ќе играат против најголемиот ривал од Пиреја, Олимпијакос.