Топла и спонтана реакција во чест на погодените од страшниот земјотрес во Турција

Во судиското продолжение од големото дерби на турската лига Фенербахче - Истанбул Башакшехир (2:0), домашните навивачи спонтатно фрлаа на теренот шалови и капи, за, како што велат, да ги стоплат настраданите од земјотресот.

Од трибините на арената „Шукру Сарачоглу“ кон теренот долетаа стотици капи, шалови и ракавици.

Ова не беше обичен перформанс, туку акција на поддршка за луѓето од истокот на Турција кои настрадаа од страорниот земјотрес.

Во петокот вечер, земјотрес со магнитуда 6,8 (најсилен на Рихтеровата скала) ги погоди провинциите Елазиг и Малатија. Според Bursada Bugün загинаа 29 луѓе, повредени се 1.243 лица а целосно се срушени 72 домови. 

Елазиг, кој се наоѓа на околу 550 километри од Анкара важи за еден од најстудените градови во Турција. Ноќта во сабота кон недела таму било -8 степени Целзиусови.

Додека фрлаа многу топли работи како шалови, капи и ракавици, навивачите на Фенербахче скандирале дека тоа е за да им биде топло на повредените.

Луѓето од клубот ги собрале сите предмети и ги пратиле во регионот погоден од страшниот земјотрес. Спасувачките операции на истокот од Турција продолжуваат и според информациите на турските медиуми во нив учествуваат околу 3.700 работници во спасувачките служби. Мечот меѓу Малатијаспор (клуб од градот Малатија) и Трабзонспор требаше да се игра во понеделник, меѓутоа е одложен поради земјотресот.