Не се влегува во терен туку така за џабе

Еден од најтрофејните и најстари француски клубови, Сент Етјен води жестока битка да опстане во Лига 1. Ама затоа во Купот на Франција синоќа со гол во 90+4’ минута го елиминираа Рен 2-1 и се пласираа во големото финале каде ги чека ПСЖ и каде не биле цели 38 години.

Неделава се играа натпревари од националните купови. Секаде освен во Италија каде полуфиналните дуели ги одложија поради епидемијата на коронавирус.

Сент Етјен во четвртокот вечер играше против Рен. Со голот на Мбаје Нијанг во 33’ минута, некогашниот фудбалер на Милан, гостите го отворија резултатот. Ама Сент Етјен одговори прво преку Тимоти Колоѕејчак во 43’ минута а во последните секунди од мечот, во 94’ минута Ријад Будебуз донесе ерупција на стадионот.

Овој некогаш славен клуб, ќе игра во финале на Куп на Франција првпат после 1982 година кога за клубот уште играл Мишел Платини.

На крајот од мечот стотици навивачи влетаа на терен, викаа, пееа, се радуваа. Благодарение на редарите сè изгледаше необично.

Во финалето на Купот Сент Етјен ќе игра против моќниот ПСЖ кој со 1-5 го разби Лион на гости. 

6 март 2020 - 08:57

Штета ако сте пропуштиле

Трујачот од Ѓорче Петров

Македонија крената на две нозе

Дефиниција за половичен успех

Беше само прашање на време