Дечки, ја имаме ли бакљадата на сезоната?

И покрај забраните во самите држави внатре и од УЕФА, речиси сите навивачки групи во Европа сезонава се растурија од палење пиротехника која што е раскошен дел од секој фудбалски меч. Така синоќа во Копенхаген на мечот меѓу домаќинот и германска Борусија Дортмунд, секторот со најжестоки навивачи на данскиот тим распалија еден куп бакљи, светлечки ракети, огномет, чуда.

Навивачката група на Копенхаген, Sektion12 направи неверојатна кореографија на сите четири трибини на необичниот стадион на Копенхаген. После следуваше шлагот пиро:

Што се однесува до самиот меч, Дортмунд поведе во 23’ минута преку Торган Азар, братот на фудбалерот на Реал Мадрид, Еден, а Копенхаген израмни во 41’ минута преку Хакон Арнар Харалдсон.

Од оваа група Манчестер Сити како прв со 14 бода и Дортмунд како втор со 9 бода одат во осминафинале а Севиља со 5 бода ќе продолжи во „нејзината омилена“ Лига Европа. Копенхаген со 3 бода се прости од Европа сезонава.

објавено: 3 ноември 2022 - 09:26