Иако сè уште сè е во домен на шпекулација, германските новинари пласираат вести дека најтрофејниот германски гигант Баерн Минхен е цврсто решен во своите редови да ги доведе најдобрите играчи на ривалот Баер Леверкузен, Флоријан Вирц и Џонатан Та.
За првиот, помладиот и најдобар германски фудбалер Баварците ќе треба да одвојат најмалку 100 милиони евра ако сакаат да го откупат неговиот договор од Баер Леверкузен, а 29-годишниот стопер кој е меѓу подобрите одбранбени фудбалери во Бундеслига, би дошол без обештетување, како слободен играч зошто во јуни му истекува договорот и нема да биде врзан со Леверкузен.
Поради незадоволство од последните изданија, Благоја Милевски нема да добие нов договор и му завршува мандатот на кормилото на А-тимот, пишува Гол.мк.
Последните мечеви на сениорскиот тим наидоа на жестока критика кај јавноста, а кај раководството на ФФМ посебно влијаеше последниот меч со Велс на кој Македонија беше понижена и надиграна (1-7). Масар Омерагиќ, разочаран и потиштен го напушти стадионот.
Негативниот исход е продолжение на серијата натпревари во кои репрезентацијата покажува пад во форма. Пред Велс сериозен аларм беа и дуелите со Летонија и Казахстан во Скопје.
Изминатиот викенд со свечена церемонија, свирка и настан за сите генерации од најмлади до највозрасни, најстариот извиднички одред во земјава „ИПО Галеб“ прослави јубилеј - 70 години постоење.
Одредот е посветен на едукација на деца и млади преку спроведување на авантуристичка програма во природа и се води по основната програма, извидничките принципи и закони на националната организација Сојуз на извидници на Македонија, која е дел од светската извидничка организација World Scout Organization of Scout Movement. Низ годините во одредот членувале повеќе илјади извидници, оваа година се регистрирани 100 члена. ИПО „Галеб“ е најстариот поречански одред во земјата и постои од 1955г., освен карактеристичните извиднички активности во нашата работа се вклучени и повеќе активности на вода и пловење по река со чамци.
