Offside › Набрзинка

Селекторот на Иран: „Ниту еден од 47 селектори не праша како ни е“

21 јуни 2026

Репрезентацијата на Иран на Светското првенство 2026 се соочи со неправичен однос од САД чии надлежни власти не им дозволија да бидат сместни во САД туку мораат од Мексико да патуваат по неколку часа со авион, да одиграат натпревар и веднаш без одложување да ги напуштат САД после дуелите.
Сега во пресрет на дуелот со Белгија, втор за Иранците на Мундијалот по ремито 2-2 со Нов Зеланд, нивниот селектор Амир Халенои зборувал отворено за се.
„Имаме многу проблеми особено надвор од теренот. „Им поставив прашање на 47 селектори и никој од нив не ми одговори“. Запрашан дали добиле поддршка од другите селекции, селекторот на Иран рекол: „Не, не видов такво нешто. Немаше никаква реакција од некого. Но се чини дека почесниот селектор на Белгија (Руди Гарсија) рекол (на прес-конференција) дека тука сме за политика а не за фудбал.. Дојдовме многу подоцна од сите, ни требаа две недели да се адаптираме на новото место. И на сите наши раководни лица и новинари им беше забрането да не следат. Тоа го подрива духот на фудбалот. Таквиот однос не е соодветен со Светско првенство.
И покрај се, благодарен сум на иранскиот народ, играме за нив. Знам дека ваков однос причини голема болка на нашиот народ. Ние сме угнетена земја и се надевам дека ќе постигнеме мир а не нешто создадено вештачки“.

извор

Несторовски: Не се откажав од репрезентација, ако некој се сети на мене, тука сум

19 октомври 2026

Илија Несторовски на 36 години сезонава е во топ форма со 9 голови на 11 настапи за Славен Белупо. За Македонија има 52 настапи и 10 гола. Ако добие повик би се вратил.
„Не се откажав од репрезентацијата, ако дојде повик секогаш сум достапен за Македонија. Да се игра за државата е гордост. Секогаш сум на располагање“.
„Во последните години не ме викаат, но не ми е проблем, повеќе сум со семејството. Ама ако некој се сети на мене, тука сум“, вели Нестор кој го пропушти Европското 2021 поради повреда.

извор

Светско злато за Штипјанецот Џорлев: Македонија има нов шампион во карате!

18 октомври 2026

Македонија доби светски шампион во карате. Штипјанецот Марко Џорлев го освои златниот медал на Светското првенство за кадети, јуниори и натпреварувачи до 21 година во Бјелско-Бјала, Полска.
Членот на македонската репрезентација во финалето го совлада Адам Ваги од Унгарија со резултат 4:1.
Неговите тренери Сашко и Жарко Арсовски од Карате клубот „Штип“ ја објавија победата на социјалните мрежи.
„Македонија има светски шампион, Штип има светски шампион, Карате клуб „Штип“ има светски шампион. Радувај се, Македонијо. Фала му на Господ за сѐ“, напишаа тие.
Градоначалникот на Штип, Иван Јорданов, исто така му го честиташе успехот на младиот каратист, оценувајќи дека златниот медал е гордост за градот, државата и клубот.

извор