- Откако Независната комисија за контрола на управување како своевиден синдикат на кошаркарите доставила докази, Евролига одлучи да ѝ изрече забрана на Црвена звезда да регистрира нови играчи до крајот на февруари, поради тоа што не исплатила долгови кон играчи од оваа и минатата сезона, најголема жртва од целиот случај испадна аргентинската ѕвезда која дојде од НБА, Факундо Кампацо.
- 31-годишниот Аргентинец заигра во јадранската АБА лига каде блеска во дресот на Звезда, но уште нема деби за црвено-белите во Евролига.
- Маршал Гликман, првиот човек на Евролига вели дека добил многу љубезен и културен мејл од самиот Кампацо кој го прашал што е работата и зошто не може да го регистрираат. „Во опсежен и широк мејл му одговорив и му ја објаснив ситуацијата. Лично навистина ми е жал за Кампацо, но направивме исправна работа зошто ги браниме интересите на сите играчи колективно“.
- Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
- Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
- Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.
- Еден од најдобрите фудбалери на ПСЖ и најзаслужен за две европски шампионски титули, Грузиецот Хвича Кварацкхелија синоќа пружи извонредна партија во победата 4:2 против Барселона, но за жал се повреди во 59' минута при еден дуел со Чави Еспарт и не можеше да го продолжи натпреварот.
- Денешните и синоќешните снимки покажале дека Кварацкхелија ги скинал предните вкрстени лигаменти, што е една од најтешките повреди кај спортистите. Го очекува пауза најверојатно до крајот на сезоната, односно околу 8-9 месеци.
