- Тифозите на римски Лацио продолжуваат со својот бојкот на натпреварите на омилениот клуб а причината е веќе одамна јасна: бараат неотповиклива оставка на претседателот Лотито односно да го продаде клубот, да замине, а и целата управа со него.
- За денешниот полуфинален Куп натпревар против Аталанта, прв во двомечот, во нормални услови на „Олимпико“ во Рим би имало сигурно најмалку 50.000 навивачи на Лацио. Но сега до денес се продадени само 5.000 влезници.
- И во сето тоа сивило Лацио има шанса да ја извади сезоната со значаен трофеј, оној од Купот на Италија и на тој начин да обезбеди европска сцена.
- Протестите на навивачите на Лацио беа циклична појава во претходните 20 години колку што на чело на клубот е Лотито и секогаш завршуваа со победа на претседателот па навивачите се враќаа на северната трибина, но се чини дека овојпат ситуацијата е крајна. Или тој или тие. Трето нема.
- Некогашниот најдобар фудбал во Европа и голема ѕвезда на Барселона, Реал и Португалија, Луис Фиго по повод скандалозниот план на првиот човек на ФИФА Џани Инфантино да го приватизира Светското првенство и да продава акции вели:
- „Можам да напишам 10.000 збора за проблемите во ФИФА. Но одлуката стои во три точки: Инфантино да замине. Цел живот го сакав фудбалот. Бев професионален играч 20 години. И верувајте за цела кариера сум сретнал многу неприлики. Но ова што го видев во последните 10 дена е најниско, најлажливо и најлошо користољубиво поведение кое сум го видел. Човекот кој е способен на такво нешто сама сако да се збогати самиот и своите пријатели.
- Ако таа идеја била толку добра зошто не ја кажа пред челните луѓе на својата организација кога сите заедно се собравме во една соба пред финалето на Светско првенство?“
- Македонската одбојкарска репрезентација под водство на селекторот Јошко Миленковски денес имаше собир во познатиот хотел „Монтана“ во Крушево каде ќе ги стартува подготовките за Европското првенство 2026.
- Македонија на ЕуроВолеј кое се игра од 9-ти до 26-ти септември ќе игра во групата Б заедно со Бугарија која е домаќин во Софија, Полска, Украина, Португалија и Израел.
- Капитенот Никола Ѓорѓиев пред почетокот на подготовките, ги пречека соиграчите со крушевски локум:
- „Да тргнат подготовките со убаво, со благо... со крушевски локум“, рече капитенот Ѓорѓиев и им подели на сите присутни.
