- На отворањето на 16. издание на ЕХО Фестивал на планински филм беше прикажан сјајниот документарец „Последната експедиција“ на режисерката Елиза Кубарска, за неверојатната Ванда Руткјевич, култна полска алпинистка која искачила дури седум врва над 8.000 метри надморска висина, прва жена која го качила врвот К2 и трета жена на светот која стигнала до Монт Еверест.
- На отворањето на фестивалот беше промовирана и книгата „Ванда - приказна за силата на животот и смртта, приказната на Ванда Руткевич“ од авторката Ана Камињска која и самата беше на промоцијата и се обрати на публиката.
- Фестивалот трае од 20-ти октомври (понеделник) до 24-ти октомври (петок) а покрај 51 документарен и игран филм, ќе има уште и предавања, презентации, панел дискусии и детски работилници.
- Еден од најдобрите македонски ракометари во историјата, Филип Миркуловски, почнува нова епизода, откако денеска беше назначен за селектор на новоформираната репрезентација за играчи до 13 години.
- На популарниот Жути, кој веќе има функција како спортски координатор на сите национални селекции, му е доверена работата со убедливо најмладите, со цел прв да ги обликува талентите и подоцна да им ги проследува на своите колеги.
- Формирана е и селекција за играчи до 15 години, која ќе ја предводи Никола Матлиески.
- Легендарниот Златан Ибрахимовиќ ќе и се приклучи на телевизијата Фокс Спортс како стручен аналитичар за време на Светското првенство кое летово ќе се одржи во САД, Мексико и Канада.
- Ибракадабра ја заврши својата играчка кариера во 2023-та како најдобар стрелец во историјата на репрезентацијата на Шведска и остави длабока трага во светскиот фудбал.
- Во својата богата кариера постигна повеќе од 670 гола и освои 34 трофеи во гигантите Ајакс, Барселона, ПСЖ, Милан, Јувентус, Интер и Манчестер Јунајтед. Кариерата ја почна во родниот Малме.
- Веќе неколку години работи како советник на управата на Милан а сега за првпат ќе биде во улога на стручен коментатор и тоа во студио со легендарниот Тиери Анри.
