Offside › Набрзинка

„Ол-старот“ во НБА-лигата имаше и македонски шмек

16 февруари 2026

Викендов во Лос Анџелес се одржа најголемиот кошаркарски настан во годината, натпреварот на најдобрите кошаркари од НБА-лигата, познат како „NBA All Star Weekend“. А на „ол-стар натпреварот“, еден од најдобрите НБА кошаркари во моментов, Џејлен Браун од Бостон Селтикс, носеше патики дизајнирани од Македонец.
Се работи за дизајнерско парче дизајнирано од Сатја Грабулоски и неговото „SWithADot“ студио. Патиките се изработени по директна комуникација на Грабулоски со Браун, кој самиот ги дал насоките за уникатните патики што ги носеше. Браун ги носеше овие патики и за официјалното фотографирање на играчите пред нивниот настап на All Star викендот.
Да соработуваш со еден од најдобрите кошаркари во моментот во светот е уживање - посебно кога се работи и за одличен човек и интелект. Сигурно многу луѓе не знаат, но Џејлен, меѓу другото е и предавач на Универзитетот MIT, па неговата љубов кон бројките и космосот се пресликани во еден пар патики кој ноќеска ги носеше на NBA All Star Weekend. Разговараме и на тема Македонија, па при некоја следна посета на Европа, се надевам ќе го прошетаме низ Скопје“, вели Грабулоски.

Најдобри моменти од Ол-Стар натпреварот

Ако е ова забивање за Ол-Стар, што ли беа оние на времето?

извор

Селекторот на Иран: „Ниту еден од 47 селектори не праша како ни е“

21 јуни 2026

Репрезентацијата на Иран на Светското првенство 2026 се соочи со неправичен однос од САД чии надлежни власти не им дозволија да бидат сместни во САД туку мораат од Мексико да патуваат по неколку часа со авион, да одиграат натпревар и веднаш без одложување да ги напуштат САД после дуелите.
Сега во пресрет на дуелот со Белгија, втор за Иранците на Мундијалот по ремито 2-2 со Нов Зеланд, нивниот селектор Амир Халенои зборувал отворено за се.
„Имаме многу проблеми особено надвор од теренот. „Им поставив прашање на 47 селектори и никој од нив не ми одговори“. Запрашан дали добиле поддршка од другите селекции, селекторот на Иран рекол: „Не, не видов такво нешто. Немаше никаква реакција од некого. Но се чини дека почесниот селектор на Белгија (Руди Гарсија) рекол (на прес-конференција) дека тука сме за политика а не за фудбал.. Дојдовме многу подоцна од сите, ни требаа две недели да се адаптираме на новото место. И на сите наши раководни лица и новинари им беше забрането да не следат. Тоа го подрива духот на фудбалот. Таквиот однос не е соодветен со Светско првенство.
И покрај се, благодарен сум на иранскиот народ, играме за нив. Знам дека ваков однос причини голема болка на нашиот народ. Ние сме угнетена земја и се надевам дека ќе постигнеме мир а не нешто создадено вештачки“.

извор

Вардар се враќа каде што му е местото: Повторно ќе се игра Лига на шампиони во Скопје!

19 јуни 2026

Ракометниот клуб Вардар 1961 во следната сезона ќе се врати во Лигата на шампионите, дознава Гол.мк од неофицијални извори.
Според нив, Европската ракометна федерација - ЕХФ го одбрала токму двократниот европски шампион Вардар како една од екипите кои ќе одат ранг погоре во своите натпреварувања. Така „црвено-црните“ со „вајлд-карта“ повторно конечно се враќаат во Лига на шампиони!
Како двократен европски првак веројатно беше очекувано да биде одобрено барањето на Вардар за унапредување во Лигата на шампионите. Последен пат Вардар играше во елитното натпреварување во сезоната 2021/22, ја мина групната фаза и беше елиминиран од Веспрем во плеј-офот.
Се очекува ЕХФ да ја потврди одлуката за доделените „вајлд-карти“ во наредните денови.

извор