Offside › Набрзинка

„Ол-старот“ во НБА-лигата имаше и македонски шмек

16 февруари 2026

Викендов во Лос Анџелес се одржа најголемиот кошаркарски настан во годината, натпреварот на најдобрите кошаркари од НБА-лигата, познат како „NBA All Star Weekend“. А на „ол-стар натпреварот“, еден од најдобрите НБА кошаркари во моментов, Џејлен Браун од Бостон Селтикс, носеше патики дизајнирани од Македонец.
Се работи за дизајнерско парче дизајнирано од Сатја Грабулоски и неговото „SWithADot“ студио. Патиките се изработени по директна комуникација на Грабулоски со Браун, кој самиот ги дал насоките за уникатните патики што ги носеше. Браун ги носеше овие патики и за официјалното фотографирање на играчите пред нивниот настап на All Star викендот.
Да соработуваш со еден од најдобрите кошаркари во моментот во светот е уживање - посебно кога се работи и за одличен човек и интелект. Сигурно многу луѓе не знаат, но Џејлен, меѓу другото е и предавач на Универзитетот MIT, па неговата љубов кон бројките и космосот се пресликани во еден пар патики кој ноќеска ги носеше на NBA All Star Weekend. Разговараме и на тема Македонија, па при некоја следна посета на Европа, се надевам ќе го прошетаме низ Скопје“, вели Грабулоски.

Најдобри моменти од Ол-Стар натпреварот

Ако е ова забивање за Ол-Стар, што ли беа оние на времето?

извор

Ѓоко Хаџиевски е најстар тренер во „лигата на најстарите“ во светот!

7 мај 2026

Meѓународниот центар за спортски студии (CIES) со седиште во Нојшател, Швајцарија, објави истражување за просечната возраст на тренерите во 55 фудбалски првенства ширум светот, а резултатите покажаа дека бугарската лига има највозрасни тренери во светски рамки.
Според анализата, просечната возраст на 16-те тренери во бугарската елита изнесува 55,6 години, што е највисок просек меѓу сите анализирани шампионати.
Најстар тренер таму е Ѓоко Хаџиевски, кој со 71 година одлично ја води Спартак Варна.

извор

Вардар вечерва ја крунисува титулата или Пелистер доаѓа да го расипе славјето?

7 мај 2026

Вечерва од 19 часот во СЦ „Јане Сандански“ пред своите навивачи, РК Вардар 1961 го пречекува големиот ривал Еурофарм Пелистер во дуел од ракометната Суперлига.
Црвено-црните може да ја заверат титулата и со бод, со нерешен резултат против зелено-белите, а на тој начин ќе го осигураат шампионскиот пехар.
Но вардарци во ова дерби влегуваат целосно исцрпени од реваншот против француски Монпеље во понеделникот (завчера) вечер кога бркаа огромна негатива од -10 гола и победија со 5 гола разлика.
Пелистерци имаа дополнителен одмор и во Скопје доаѓаат освежени и одморени со цел да спречат Вардар пред нив да слави титула со навивачите.
Минатата сезона на Вардарци исто им требаше само бод за титула, но на домашен терен изгубија на најболен можен начин од Пелистер во последните секунди од мечот и ја изгубија титулата.

извор