- По целиот циркус со дресовите кој се направи пред историското Европско првенство во 2021-ва година кога производителот Јако направи бордо дресови па јавноста не сакаше да слушне за таа гарнитура, сега од ФФМ конечно излегоа со новите дресови, исто од компанијата Јако.
- Првата варијанта е стандардна црвена, со сончевите зраци од националното знаме на предна страна. Втората е со ист дизајн само во бела боја, а третиот избор комплетно црн со жолтите зраци.
- Оваа вест доаѓа по интервјуто на Пандев за Арена Спорт каде отворено кажа дека се срамел што поради никаков маркетинг на ФФМ, немал да подари дресови во Италија.
- ФК Тетекс утрово информираше дека Даниел Николовски го загубил животот во сообраќајна несреќа која се случила во текот на ноќта.
- Тетовскиот клуб ја потврди тажната вест за прераното заминување на 21 годишниот играч, кој беше нераскинлив дел од екипата.
- Николовски ги имаше поминато сите младински категории на Тетекс, по што својата кариера и верност кон клупските бои ја продолжи настапувајќи и за сениорскиот тим.
- Прашање на време беше кога најголемиот на сите времиња според многумина, ќе ја соопшти тажната вест дека се пензионира од репрезентативниот фудбал. Лионел Меси пред неколку недели и официјално се прости од репрезентативниот дрес на Аргентина и сега ќе ни биде тешко да се навикнеме на „гаучосите“ без магичната 10-ка.
- Меси преку официјално соопштение изјави дека се повлекува од репрезентацијата. Тој во 2022 ја носеше Аргентина до толку сонуваната титула Светски шампион.
- Во ситуација кога во репрезентативна пензија летово замина и стоперот Никлас Отаменди кој му беше заменик-капитен на Меси, сега капитенската лента ќе ја носи досегашниот трет заменик капитен, стоперот Кристијан „Кути“ Ромеро кој летово од Тотенхем премина во Атлетико Мадрид.
