Offside › Набрзинка

Мајмуни: Победа има легенди од сите краеви, само не прилепчани од Прилеп

18 февруари 2026

Навивачката група Мајмуни од Прилеп објави соопштение околу статусот на Победа, која се откажа од настап во втора лига. Бараат да се најдат виновниците за колапсот на клубот.
„И покрај сите наши напори за да не згасне нашата икона, не беше успешен нашиот напор..и покрај обезбеден тим кој можи да се носи најмалце до бараж тоа не го дозволи некој "голем главец"...
Ние како група застанавме позади секоја организација, но под услов ниту еден од претходна управа да не биди присутен сè до крајот на сезоната... изненадувачки тоа го прифатија иако е тоа само шанса да се тргнат од сите ,тупурдииʼ кои ги направиле“, стои во дел од соопштението на навивачите.

Мизерна македонска реалност: Победа се откажува од играње фудбал

Долговите на Победа само кон УЈП се 7 милиони денари

извор

Фудбалот ги поврзува децата и ги руши бариерите

27 октомври 2026

Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
На настанот учествуваа ученици со типичен и атипичен развој од седум училишта од Скопје, Куманово и Кратово.
Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.

извор

539 карти за македонските навивачи во Глазгов

27 октомври 2026

ФФМ информира дека дека продажбата на билетите за претстојниот натпревар Шкотска – Македонија ќе се одвива исклучиво преку официјалната електронска платформа за продажба на билети на Фудбалската асоцијација на Шкотска.
За македонските навивачи првично ќе биде отворен секторот А2 на западната трибина, со капацитет од 539 седишта, а доколку има потреба од дополнителен број билети, ќе биде отворен и секторот А3, со дополнителни 860 седишта.
Натпреварот Шкотска – Македонија ќе се одигра на 13 ноември 2026 година, со почеток во 20:45 часот по македонско време (19:45 часот по локално време), на стадионот „Хемпден парк“ во Глазгов.

извор