Offside › Набрзинка

Борко Ристовски: Ќе го тужам МОК во Лозана, а парите ќе ги донирам во Вардар

28 април 2023

Голманот на Вардар ја одржа ветената петочна прес конференција на која се произнесе за четиригодишната суспензија, која ја доби од страна од претседателот на МОК, Даниел Димевски.
„Бев во контакт со неколку адвокати од странство и сите ми кажаа дека имам правна основа за тужба до Спортскиот суд во Лозана. Јас ќе го искористам тоа право и во наредниот период ќе испратам тужба до овој суд. Било кои средства што ќе ги добијам, ќе ги подарам, половина за РК, а половина за ФК Вардар“, изјави Ристовски
Според консултациите со својот адвокат, Борко рече дека очекува сумата која би се добила од ваква тужба би се движела од 180.000 до 230.000 евра.

6 декември 2025

На свечената ждрепка во Вашингтон, американскиот претседател Доналд Трамп беше награден со новоизмислената „ФИФА Мировна награда“ (FIFA Peace Prize).
Ова не е само лош ПР. Ова е преседан. ФИФА, која со години казнува играчи и федерации за најмали политички пораки, сега му дава награда на активен политичар, среде мандат, во екот на глобални конфликти.
Во моментите кога фудбалскиот свет треба да зборува за претстојното Светско првенство во 2026 година, ФИФА и нејзиниот претседател Џани Инфантино успеаја да го киднапираат вниманието со еден од најсрамните потези во историјата на спортот.
Наместо да се слави играта, се слави моќта. Наместо да се зборува за Меси и Мбапе, се зборува за Трамп и Инфантино. Што е следно? Златна топка за Путин? Награда за фер-плеј за Ким Џонг Ун?

5 декември 2025

Рубен Гарабаја поднесе оставка на тренерската позиција на Еурофарм Пелистер, после поразот од Загреб во ЛШ, на кој му претходеше реми со Алкалоид.
„Очекував реакција во Загреб, но со оглед на тоа што таа реакција не дојде, се одлучив да ја понудам мојата оставка. Сметам дека моето заминување во овој момент ќе предизвика позитивна реакција кај тимот и ракометарите“, стои во дел од соопштението на шпанскиот стратег.
Со Гарабаја на клупата клубот го освои Суперкупот на Македонија и одигра достоинствени 10 натпревари во ЛШ. До крајот на полусезоната, екипата ќе ја води директорот на клубот, Звонко Шундовски.