Offside › Набрзинка

Благодарение на системот на Металург сега имаме репрезентација. Што направија другите клубови за неа последните 10 години?

23 јануари 2023

Погледнете го списокот на репрзентацијата: Мартин Томовски, Дејан Манасков, Филип Талески, Мартин Серафимов, Гоце Георгиевски, Жарко Пешевски, Томислав Јагуриновски. Да зачиниме малку: Никола Митревски, Филип Кузмановски, Марио Танкоски, Димитар Димитриоски, Никола Костески, Филип Арсеновски, Милан Лазаревски, Никола Маркоски.
Дали знаете што е заедничко за сите овие играчи? Сите се тие приоизвод на РК Металург или минале клучна обука во „Автокоманда“. А, кога зборуваме за Металург од тоа време, зборуваме и за Лино Червар. Тој беше творец на системот во кој беа вклучени многу луѓе и благодарение на тој систем сега воопшто и имаме репрезентација за која можеме да навиваме... односно да ја плукаме. За играта да не зборуваме. Македонија беше првата држава во светот што играше 7 на 6.
Што правеа и што направија другите клубови што сега кукаат и плачат над судбината на репрезентацијата вклучително со двата великана што се борат за титула? Тие треба да се перјаницата. Кои играчи ги направија за репрезентацијата во последните 10 години?
Знаете ли која е реалноста во младинските категории? Дека „пола“ клубови се закануваа дека ќе се откажат од натпреварување затоа што им се многу натпревари? Сакаа како до лани, во сезона во кадетско-јуниорска да се групи и да имаат вкупно 6 натпревари! Во држава 200х200км патувањата им се прескапи. Тоа е нашата реалност.
Претседателот на РФМ имал клуб. Не смее претседателот на РФМ да биде клупски ангажиран. Извинете, а претседателот на РФМ Михајло Михајловски, нели беше од Вардар?! А Трифун Костовски и Иван Бојков нели беа од Кометал? А Душко Кадиевски, не беше од Пролет?

извор

Деветта операција за Линдзи Вон

10 ноември 2026

Тешкиот период за Линдзи Вон (42) сè уште не е завршен. Легендарната американска скијачка повторно ќе мора да биде оперирана, а претстојниот зафат ќе биде деветти во нејзината медицинска битка по страшниот пад на Зимските Олимписки Игри во Милано 2026.
Вон откри дека лекарите сè уште не можат со сигурност да го предвидат исходот од интервенцијата и дека повеќе детали ќе има по завршувањето на операцијата.
„Ова ќе биде моја деветта операција и се молам да биде последна. Некои работи можат да се променат за време на зафатот, па мораме да почекаме и да видиме како ќе помине сè. Ќе ве информирам за опоравувањето веднаш штом излезам од операционата сала“, порача Американката.
Американката важи за една од најдобрите скијачки на сите времиња. Во нејзината трофејна кариера има три златни медали од Олимписките игри, а го освојуваше и Светскиот куп четири пати.

извор

Речиси се познати шеширите, Македонија сигурно ќе игра за ЕП 2028 со еден гигант

10 ноември 2026

Познати се шеширите за ждрепката за квалификациите за Европското првенство 2028 година, која ќе се одржи во декември 2026 година. Распределбата е направена врз основа на привремениот пласман во Лигата на нации, а конечниот изглед ќе зависи од резултатите во преостанатите натпревари до крај.
Според проекциите на „Football Meets Data“, репрезентацијата на Македонија со сигурност се наоѓа во третиот шешир, заедно со Романија која исто така е сигурна. Според моменталните резултати таму се наоѓаат Украина, Полска, Шкотска, Грузија, Израел, Словачка, Црна Гора, Албанија и Исланд.
Во првиот шешир се наоѓаат најквалитетните европски селекции, сигурни се Шпанија, Португалија, Франција, Холандија, Англија, Грција и Италија, а таму се очекува да бидат и Белгија, Данска, Германија, Норвешка и Хрватска. Треба да се случи чудо за Белгија и Германија да не бидат во прв шешир, а многу близу до потврда на местото се и Норвешка и Хрватска, кои зависат сами од себе затоа што играат со директните ривали за освојување на третата позиција на табелата. Вториот шешир кој уште е во формирање има само една позната, тоа е Швајцарија, а според моменталниот пласмсан го сочинуваат и Велс, Србија, Турција, Чешка, Шведска, Австрија, Северна Ирска, Босна и Херцеговина, Унгарија и Словенија.

извор