- Во екслузивна вест, белградски Спортклуб денес пишува дека УЕФА одлучила во 2029-та година финалето на Лига Европа да се игра во Белград, финалето на Лига на шампиони на реновираниот „Камп Ноу“ во Барселона. Оваа одлука е донесена на седницата на извршниот комитет на УЕФА во Солун. Финалето на Лига на шампиони во 2028-ма ќе се игра во Минхен на „Минхен Арена“ а финалето на Лига Европа 2028 ќе биде одиграно во Букурешт на фасцинантната „Национална Арена“.
- Финалето во Лига на конференции 2028 ќе се игра на „Јувентус Арена“ во Торино и на „Пушкаш Арена“ во Будимпешта во 2029. Суперкупот на Европа 2028 ќе биде одигран на „Јохан Кројф“ Арена во Амстердам а во 2029-та на „Астана Арена“ во Казахстан.
- Србија гради нов „Национален стадион“ кој ќе биде ултра модерен, ќе чини неколку стотици милиони евра а ќе има капацитет од 52.000 места. Според првобитниот план, би требало да биде завршен на почеток на следната 2028-ма година.
- Србија ќе биде домаќин и на Европското првенство У-21 за млади играчи во 2027-ма заедно со Албанија. Градови домаќини на ова младинско ЕУРО ќе бидат Белград, Лозница, Лесковац и Бачка Топола каде има нови стадиони.
- Белград бил домаќин на финале на Купот на Европски шампиони во 1973-та година кога Ајакс го совладал Јувентус 1-0 и го освоил најзначајниот европски фудбалски трофеј пред 89.484 гледачи.
- Селекторот на македонската фудбалска репрезентација, Гоце Седлоски, го објави списокот на фудбалери за претстојните натпревари против Шкотска (13.11.) и Словенија (16.11.) од Лигата на нации.
- Седлоски се одлучи за 26 фудбалери, меѓу нив напаѓачот на Шкендија, Марко Ѓорѓиевски, а повратници во составот се Дарко Чурлинов, Имран Фетаи, Стефан Деспотовски и Никола Серафимов. Бојан Миовски не е повикан.
- Македонија на 13. ноември игра против Шкотска во Глазгов, по што следува домашниот натпревар со Словенија на 16. ноември на Националната арена „Тодор Проески“ во Скопје.
- Импресивната игра и петте стартни победи на лидерот и досега единствениот непоразен тим, Работнички во 35. прволигашко кошаркарско првенство, во МТЕЛ Супер Лигата, се неговиот најдобар клупски старт по пауза од девет години. Во таа сезона 2017/2018 тогаш исклучително моќниот Работнички, кој беше најмалку за класа подобар од конкурентите, го заврши регуларниот дел со импресивните и неповторливи максимални 22 победи.
- Играта на сегашниов Работнички сè повеќе почнува да потсетува на славните времиња на (Годел, Фершпед) Работнички! Широк е фондот на квалитетни и за тимот мошне важни домашни кошаркари – такви се најмалку седуммина. Разновиден е начинот на игра, што го практикува шефот на стручниот штаб Владимир Мирковски, кој, помеѓу другото, одлично ја распоредува и минутажата. Темелот е цврстата и агресивна одбрана. Одлично се избрани и вкомпонирани исклучително квалитетните три странски засилувања кои се максимално подредени на тимот.
- Дали стартов мириса на борба за шампионскиот пехар во за Работнички посебно убава година во која се прославува јубилејни 80 години постоење, во голема мера ќе покаже и градското дерби против МЗТ Скопје за неколку дена.
