- Единаесет планинари од друштвата ПК Аргентус Монт, Х20 Скопје, ПК Тетово и ПК Копанки-Битола се јунаци на планинарската сезона, откако на највисокиот врв од шарпланинскиот масив Титов врв (2.747 метри надморска висина) однеле дванаесет стакла за да ги обноват прозорите на кулата кои лани во декември 2022 беа вандализирани од непознати сторители.
- Зија Јонузовски, еден од најпознатите планинари во земјава и секретар на ПК Аргент Монт вели: „Дванаесет пластични стакла се обезбедени со донација на Назиф Изаири од Боговиње. Со теренско возило на планинарот Али Ислами од ПК Тетово, стаклата се однесоа од градот до кота 2.445 метри надморска височина. Потоа од таму до врвот ги носевме на грб. Трошоци за други материјали, алати, штрафови, надомест за гориво се од Федерацијата за планинарски спортови“.
- Санирани се последиците од вандализмот, искршените прозори се заменети со нови а искршените делови од патосот на втор кат се заменети со нова шпер плоча и има нови алуминиумски фолии.
- Оваа кула знае да биде и од животен значај за многу планинари особено во зимно време кога временските прилики се менуваат од час во час на овој највисок врв.
- Кошаркарската Суперлига на Македонија ќе стартува в петок со натпреварот меѓу шампионот МЗТ Скопје Аеродром и Маџари. Средбата која ќе ја крене завесата на новата сезона во првенството ќе се одигра во СЦ „Јане Сандански“, а потоа колото ќе биде развлечено во четири дена од петок до понеделник.
- Регуларниот дел од првенството традиционално опфаќа 22 кола од почетокот на октомври до почетокот на април следната година. По завршувањето на оваа фаза најдобрите шест тима ќе одиграат само пет кола по „оролоџо“ систем. Најдобрите четири тима од оваа фаза ќе продолжат во плеј-офот за титула.
- Најтрофејна екипа во досегашната историја на Македонија е Работнички, ама тимот од „Градски парк“ е далеку од тоа ниво. Вкупно на „вечната“ листа Работнички има 15 трофеи, а МЗТ е втор со 12.
- Дваесет и две годишниот турски голман Берке Озер направи чудо откако одбрани дури три пенали на натпреварот со Рома кој неговиот тим го доби 0-1.
- Им ги одбрани пеналите на Артјом Довбик два и на Матијас Суле и влезе во историските листи на рекорди на УЕФА.
- 25-годишниот Турчин летово дошол во Лил од турскиот клуб Ејуп за 4,5 милиони евра а преку ноќ станал миленик на навивачите. Интересно пред мечот со Рома и ветил на девојка му дека нема да прими гол.
- „Луда вечер! Пред натпреварот и ветив на девојка ми дека нема да примам гол. Ми кажа дека не сум успеал веќе некое време и и ветив. Сигурно ни таа сама не мислеше дека ќе биде волку тешко, но на крајот успеав. Не знам ни сам како, да бидам искрен“, рекол Озер за француски Канал+ и додал дека да имало и четврти пенал можеби и тој би го одбранил
