Кошаркарот на Кливленд беше хит на вчерашниот Ол стар натпревар на кој се појави во патики со знамиња од две земји, родната Македонија, како и Турција за која настапува. Браво мајсторе.

Кошаркарскиот клуб Гостивар бара одложување на Купот на Македонија закажан за викендов во нивниот град поради загуба на свој член кој е една од жртвите во вчерашната автобуска несреќа.

Скоро и никој да не се сеќава кога последен пат се судриле двата најголеми грчки спортски колективи, а да не се случило срање. Во полуфиналето од Купот, во ОАКА Арената каде домаќин е Панатинаикос, гостите излегоа од теренот и ја напуштија салата револтирани од судењето.

Пред шест месеци, кошаркарскиот клуб Сплит организирал наградна игра - 1.000 ќебапи и 100 литри пиво за погоден кош од едниот на другиот крај на теренот и 500 ќебапи и 50 литри пиво за кош од центар. Како никој не погодил, наградата се зголемувала, па извесен Петар Гавранчиќ станал мајсторот кој дал кош и освоил 1.200 ќебапи и 120 литри пиво.

Цели 15 години по појавувањето на Предраг Стојаковиќ на мечот на сите ѕвезди во НБА, Србија одново ќе има свој претставник. Човекот кој е најзаслужен што Денвер игра неверојатна сезона и е меѓу фаворитите за завршница на Западот - Никола Јокиќ, е избран за All Star мечот на 18 февруари во “Спектрум Центар“ во Шарлот.

Легендарниот македонски кошаркар во заминување добива брзо поставени забавни прашања во 90 секунди. Не можеше да избере една песна на која крши чаша во кафана, арно ама за прашањето од насловот не се двоумеше :).

Лејкерси и Феникс во епизодата не знаеме кај тераме. 34 секунди од НБА лигата за заборав.

Со оглед на тоа што на паркетот се рова од 1999-та, беше само прашање на време кога и официјално ќе и соопшти на јавноста. Трикратниот европски првак Перо Антиќ годинава се повлекува од играње кошарка и тоа со спектакуларен проштален натпревар.

Кошаркарите на Јута ги совладаа Нагетси со 114-108 а мечот изобилуваше со гужви, турканици, тепачки и шлаканици.

На денешен ден, 22 јануари, пред 13 години, ЛА Лејкерс го совлада Торонто со 122-104. На овој меч Коби Брајант постигна 81 поен со 6 скока, 3 украдени топки и 2 асистенции. 55 поени Коби даде во второто полувреме од кои 27 беа во третиот период.

Бобан Марјановиќ е еден од најголемите шегобијци во НБА. Последно што направил е синоќа кога дошол на натпревар против Њу Орлеанс Пеликанс на квадроцикл. Неговите Клиперси изгубија 117-121 а српскиот репрезентативец не влегуваше во игра.

Српскиот репрезентативец игра страшна сезона. Синоќа во триумфот на неговиот Денвер против ЛА Клиперс го оствари петтиот трипл-дабл во сезоната: имаше 18 поени, 14 скока и 10 асистенции. Ама еден потег посебно ја импресионираше цела сала.

Ја имаме Барселона од Камп Ноу од времето на Пеп или ова, како сакате, претворена во НБА тимот на Сакраменто Кингс. Толку ја одолговлекоа, што се подзамисли и коментаторот, ама па атракција во НБА не мора секогаш да содржи цепелин или тројка во последна секунда.

Приказните на српскиот кошаркар и аргентинскиот и француски фудбалер се многу инспиративни. За разлика од многу други, овие тројца никогаш не правеле трагедија од тоа што ги снашло во животот и ги оштетило за век векови. Напротив.

Добро е да го имаш за да царуваш под кошевите, ама треба да знаеш кога и како да го користиш, во спротивно ќе ти се случи ова:

Како вчера да беше кога го избраа на драфтот, а денес веќе 34-годишен и натаму важи за најдобар играч во НБА лигата а со тоа и на светот. „Кралот“ Леброн на 30 декември наполни 34 години.

Синоќа Филаделфија 76’ со 119-113 го победи ЛА Клиперс а еден момент од мечот масовно се споделуваше на социјалните мрежи, иако не станува збор за нешто невидено досега.

Во претходните неколку вечери во НБА се одигра новогодишното коло. Шампионот Голден Стејт играше против Феникс Санс а на едно дете му се остварила новогодишната желба уште првиот ден.

Истанбул не го заборава Перо Антиќ кој замина во Турција за да го гледа мечот од Евролигата меѓу неговиот поранешен клуб и Реал Мадрид. Настапуваше за Фенер од 2015-та до 2017-та и со нив стигна до третата европска титула во кариерата. Ептен го испоштуваа.

Во едно од некогашните најголеми дерби средби во НБА, Сакраменто со 117-116 го совлада тимот на Лејкерс и тоа со тројка буквално во последната секунда. Стрелец Богдан Богдановиќ, наследникот на легендарниот Пеѓа Стојаковиќ.

Ненамерно секако. Во НБА за Божиќ традиционално се играат натпревари кои започнуваат со интонирање на американската химна. Пред мечот Хјустон Рокетс - Оклахома Сити, некогашниот МВП од Оклахома, Расел Вестрбук случајно ја собори на земја 15-годишната Сара Грејс која се спремаше за химната.

Дајте му го баскетот на Лука Дончиќ кога се ближи звукот на сирената и имате полн погодок. Овој пат не се работи за финиш на прво полувреме, туку на мечот. Погледнете го како на каков начин го однесе Далас во продолженија на средбата со Портланд, кој на крајот сепак славеше со 121:118. Словенецот имаше учинок од 23 поени, 11 скока и 6 асистенции.

На еден средношколски дуел, едно дете од училиштето Mountain View како да го разбуди духот на Шекил О’Нил во себе. Неговото виткање обрач нè потсети на времето кога Шек кршеше табли и дрмаше конструкции.

Нихад Ѓедовиќ е кошаркарски репрезентативец на Босна и Херцеговина. Има 28 години и толку многу личи на Ибрахимовиќ што вика дека има проблем на улица зошто секој втор го застанува да се слика со него.