Кошаркарите на МЗТ не ги поправија грешките од минатите натпревари и повторно дозволија да бидат надиграни заради големиот број на загубени топки и слабата одбрана, а овој пат дополнителен проблем беше и исклучувањето на Тодор Гечевски.
По израмнетата прва четвртина која заврши со 15:15, гостите ги искористија грешките на МЗТ и успеаја да постигнат дури 29 поени со што на полувремето заминаа со предност од +12 (32:44).
Водството на Раднички предизвика нервоза во редовите на МЗТ па на самиот старт од второто полувреме, искусниот Тодор Гечевски набрзина доби две технички грешки за исклучување, а веќе во следната минута гостите имаа водство од +18 (34:52).
Во третата четвртина МЗТ намали на -5, а во последниот период се доближија до -6, но тоа беше се што тие сторија и Раднички рутинирано го задржаа водството за конечни 75:83.
Следната сабота во рамките на 5-то коло од АБА лигата, МЗТ гостува во Сплит.
