Репрезентацијата на САД ја забележа и втората победа на Олимписките игри во Лодонн. Овој пат имаа многу лесна задача против Тунис и славеа со 110:63.
Тунижаните беа достоен противник само на почетокот од натпреварот кога дури имаа и предност, но Американците на полувремето имаа водство од 13 поени.
Во второто полувреме кошаркарите на САД се разиграа и на крајот остварија лесна победа од 47 разлика.
Селекторот Кжижевски им даде шанса на сите кошаркари, а се истакнаа Кармело Ентони и Кевин Лав со по 16 поени. Најефикасен кај Тунис беше Бен Ромдане со одличен учинок од 22 поени, шест скока и 11 асистенции.
По завршувањето на натпреварот, кошаркарите на Тунис не ја пропуштија шансата и им побараа автограми на своите идоли. Мохамед Хадидане дури ја соблече патиката и побара од Коби Брајант да му се потпише на неа, а потоа си ја врати на нога.
Група А
Литванија - Нигерија 72:53
Франција - Аргентина 71:64
САД - Тунис 110:63
ТАБЕЛА: САД 2-0, Аргентина 1-1, Литванија 1-1, Нигерија 1-1, Франција 1-1, Тунис 0-2.
Група Б
Кина - Русија 54:73
Шпанија - Австралија 82:70
Велика Британија - Бразил 62:67
ТАБЕЛА: Русија 2-0, Шпанија 2-0, Бразил 2-0, Австралија 0-2, В. Британија 0-2, Кина 0-2.
