Избраниците на Зоран Мартич не го почнаа добро мечот пред две илјадната публика во „Борис Трајковски“ и беа во негатива скоро до крајот на првиот период. Во последната минута успеаа да стигнат до пресврт и по првите 10 минути имаа 21:20.
Минималното водство во втората четвртина МЗТ тешко го одржуваше. На стартот гостите уште еднаш стигнаа за момент до минимална предност и потоа уште два пати го израмнуваа резултатот. На полувреме „Штрковите“ водеа 43:39.
Нашиот претставник во Јадранката лига тргна пожестоко во вториот дел од средбата и по 4 минути игра влезе во одлична серија од 11:2 за прва двоцифрена поредност на мечот која изнесуваше +10. При крајот на третата четвртина го загубија ритамот, а гостите намалија на -1, но Стојановски и Маринковиќ реализираа важни поени во финишот за 59:54.
Кошаркарите на МЗТ во последната четвртина направија многу важна серија од 13:3 која им ја донесе највисока предност на мечот од 74:62, клучна за победата. Широки беше немоќен и успеа да намали најмногу на -8, а на крајот резултатот изнесуваше 82:71.
Најзаслужен за триумфот на тимот од Аеродром беше Маринковиќ со 20 поени, а Синовец постигна 13.
До крајот на сезоната во АБА лигата МЗТ наредното коло и гостува на Црвена Ѕвезда во Белград, а последниот меч го игра пред своите навивачи против Раднички,
