Шест порази за Атланта Хокс на седум претсезонски натпревари. На последниот тест пред новата сезона која започнува за една недела, Атланта загуби од Далас Маверикс со 98:88.
Она што нас не интересира е настапот на Перо Антиќ кој на овој натпревар доби најголема минутажа до сега. За 29 минути на паркетот, Антиќ беше најдобар скокач во својот тим со 8 скокови, но на овој натпревар имаше проблеми со реализацијата и постигна 2 поени од слободни фрлања, а биеше 0/6 за 2 и 0/4 за три поени. Антиќ направи и 3 асистенции и украде една топка.
Најефикасен во редовите на Атланта беше Шредер со 21 поен, а Скот постигна 19. Дирк Новицки со 17 поени беше најефикасен кај Далас Маверикс.
Новата сезона во НБА лигата ќе започне на 30 октомври, а Атланта Хокс на стартот ќе се сретнат токму против Далас Маверикс.
