Нова ѕверска партија на Јокиќ и нов трипл дабл за финале на Денвер

Толку требаше. Само два дена откако ги растури дома, им отиде на гости и им ја заврши сезоната. Јокиќ го врати Денвер во финалето на Западната конференција по пауза од три години.

Нагетси одат понатаму со вкупни 4:2, откако ноќеска го совладаа Феникс Санс како гости со 125:100.

Никола Јокиќ не знае за доста и со секој настап во плејофот влегува во некој нов историски статистички податок во НБА лигата.

Неговиот нов трипл дабл овој пат се состои од 32 поени (13/18 од поле, 6/6 за од слободни), 10 скока, 12 асистенции, 1 блокада и 3 украдени топки.

Ќе игра второ конференциско финале после она во сезоната 2019/2020 кое го загуби 4:1 од Лејкерси.

Денвер максимално го искористи отсуството на двајца стартери во тимот на Феникс, повредените Крис Пол и Диандре Ејтон.

Домаќините немаа шанси на шестата пресметка бидејќи веќе во првата четвртина беа во негатива од 44:26, а на полувреме губеа со огромни 30 поени разлика 81:51.

Во конференциското финале Нагетси ќе се сретнат со победникот од дуелот меѓу Лејкерси и Гојден Стејт каде резултат е 3:2.

Јокиќ стана петти играч во историјата на НБА плејофот со 11 трипл дабл учиноци. Другите се Меџик Џонсон, Леброн Џејмс, Расел Вестбрук и Џејсон Кид. Кои му се границите на овој човек?

 
12 мај 2023 - 08:36

Штета ако сте пропуштиле

Доктор Оз остана сам

Има нешто здраво во државата Данска

Која не би сакала?

Тие не лапаат проекти за да проповедаат соживот