Нема трака, нема проблем - Леброн стана рекордер по асистенции

Прв пат од 2003. година, Леброн Џејмс почна натпревар без траката на главата, а истата ја извади и во втората четвртина од дуелот со Феникс во неделата.

 

Кливленд го декласираше Далас на гости 127:94, а изгледа на Кралот Џејмс му одеше добро и без траката, затоа што уфрли 27 поени (10/14 од игра), 7 скокови и 8 асистенции. Веќе после првата асистенција синоќа стана најдобриот асистент во историјата на Кливленд Кавалирс со вкупно 4207 асистенции. На тој начин, Леброн го престигна досегашниот рекордер Марк Прајс.

 

Покрај Леброн, одлична вечер во „Американ Ејрлајнс“ центарот имаше и Кајри Ирвинг кој додаде 22 поени и по 5 скокови и асистенции. Кај Мавси, Чандлер Парсонс запоша 18 поени.

 

Незапирливиот Леброн Џејмс против Далас Маверикс синоќа:

 

Сан Антонио Спарс за малку ќе прокоцкаше водство од 26 поени, но на крајот го совладаа жилавиот Торонто 117:107, за шеста победа во серија. Најефикасен кај Спарси беше Каваи Ленард со 24 поени, а Тони Паркер запиша 23 поени и 9 асистенции. Кај Торонто, Кајл Лаури со 32 поени беше водечки стрелеци, а Демар ДеРозан го заврши мечот со 21 поен.

 

 

Далас – Кливленд 94:127
Индијана – Орландо 118:86
Бруклин – Њу Орлеанс 91:111
Сан Антонио – Торонто 117:107
Јута – Њујорк 87:82
ЛА Лејкерс – Детроит 93:85.