На НБА ѕвезда во празна сала му сметаше маскотата зошто му мавтала

Апсолутниот лидер и сериозен кандидат за титулата во НБА, Феникс Санс (31-9), многу тешко го совлада Торонто Репторс 99-95 на гости. Мечот го одбележа еден глуп момент од страна на главниот играч на „сонцата“

Во еден момент од мечот во празната Scotiabank Arena во Канада, големата суперѕвезда на Феникс Санс Девин Букер тргна да изведува слободни фрлања, ама маскотата на домаќинот позната под името The Raptor очекувано и сосема нормално зад кошот мавтала со раце за да му засмета.

На Букер ова не му се допадна па им се жалеше на судиите кои мораа да ја оддалечат маскотата.

Очигледно Букер не знае каква е атмосферата по европските стадиони и сали, особено по балканските. Што ли би правел во тој случај?

Devin Booker upset that the Raptors mascot, the only fan in the building, is behind the hoop distracting him with the game on the line. Refs send him to timeout in the corner. pic.twitter.com/F9zLGPPD5D
— Rob Perez (@WorldWideWob) January 12, 2022

Како кулминација на неговиот Твитер профил ја смени профилната фотографија и го стави The Raptor како седи од страна додека тој изведува слободно, во знак на исмевање на маскотата.