Мареј се обиде да го промаши последното слободно фрлање, но не му успеа

Далас го доби Денвер без Дончиќ во драматична завршница. Историски трипл дабл на Јокиќ кој доби син.

Маверикс славеа 123:120 на гостувањето против Нагетси и покрај тоа што го немаа повредениот Лука Дончиќ.

По пауза од скоро две недели, кам бек на паркетот направи Никола Јокиќ кој беше отсутен поради тоа што доби син.

Србинот стигна до 33 поени, 17 скокови и 10 асистенции или поточно до петти трипл дабл во низа. Тоа им успеало претходно на Оскар Робертсон, Мајкл Џордан, Расел Вестбрук и Лука Дончиќ.

Кошаркарите на Денвер успеаа да се вратат после негатива од 24 поени, па дури и да поведат во последната четвртина, но сепак го загубија натпреварот во самиот финиш.

Во последниот обид да се спасат од пораз, Џамал Мареј после првото, го погоди и второто слободно фрлање, иако евидентно беше дека сакаше да промаши за да имаат шанса да одат на нови два поени.

Во победничкиот тим најпрецизни беа Маршал со 26 и Вашингтон со 22 поени.

23 ноември 2024 - 14:01

Штета ако сте пропуштиле

Два пати мери, еднаш ентер

За покојникот сè подоцна

Паркинг. Клинички центар. Толку!

Правда за Трамп