ОКЛАХОМА СИТИ ТАНДЕР - ХЈУСТОН РОКЕТС 104-100 (3-3 во серија)
Овој е еден од најинтересните парови досега во плејофот. Хјустон имаше 2-0, но Оклахома се врати на 2-2, па откако го изгуби петтиот меч, успеа во шестиот да победи и да израмни на 3-3.
Лидерот на Оклахома Сити Тандер Крисол Пол постигна 28 поени од кои 15 во последната четвртина (со две тројки по ред), Галинари уфрли 25 а резервистот Денис Шродер 15 поени, доволни за триумф над Рокетси.
„Некој бега од одговорност, а некој сака да превземе. Обожавам да играм со него“, вели Крис Пил за Денис Шродер.
Кај Хјустон Џејмс Харден слабо шутираше за 3 (само 3/11), но добар во остатокот (32 поени, 11/22 од игра, 7 асистенции и 8 скока). Роберт Ковингтон уфрли 35 поени (4 тројки), а Расел Вестбрук 17 поени но и 7 изгубени топки. Токму овој податок со 22 изгубени топки беше пресуден на крајот.
МИЛВОКИ БАКС - МАЈАМИ ХИТ 104-115 (0-1 во серијата за Мајами)
Некогашниот шампион игра сјајно по рестартот на сезоната и уште не знае за пораз во плејофот. Синоќа ја урнаа најдобрата екипа на Истокот благодарение на неверојатниот Џими Батлер кој уфрли 40 поени и Словенецот Горан Драгиќ кој запиша 27. Бам Адебајо даде исто голем придонес со 12 поени, 17 скока (6 офанзивни) и 6 асистенции.
Милвоки Бакс, како и во првото коло од плејофот против Орландо, го изгубија првиот меч и сега ќе мора да се вадат.
Учинокот кај Милвоки: Мидлтон најефикасен со 28 поени, 6 скока и 5 асистенции. Брук Лопез 24 поени (8/10 од игра, 4 тројки и само 1 скок за 27 минути).
Најголемата ѕвезда, Јанис Адетокумпо имаше 18 поени, 10 скока и 9 асистенции (4/12 од игра со што уште еднаш докажа дека не е во баш најдобра форма која го красеше во регуларниот дел.
Следни на програмата се дуелите Бостон Селтикс - Торонто Репторс (Бостон води 1-0 во серијата) и мајсторката меѓу Јута Џез и Денвер Нагетс (3-3).
На Западот Лејкерс во полуфиналето го чекаат победникот од дуелот Хјустон Оклахома, а Клиперси ќе играат против подобриот од Денвер - Јута Џез.
На Истокот полуфиналето веќе се игра, Мајами води 1-0 против Милвоки Бакс, и Бостон има предност 1-0 против Торонто. Победниците ќе се сретнат во финалето на Источната Конференција.
