Јак дуел на Јокиќ и другар му Дончиќ

Денвер и Далас Маверикс одиграа супер дуел кој го добија Нагетси 117:113. Јокиќ уфрли 20 поени и 10 скока, а Дончиќ одново имаше ѕверска партија со трипл-дабл.

Јокиќ кој е меѓу главните кандидати за МВП на сезоната уфрли 20 поени (8-13 од игра), 10 скока и 4 асистенции. Мајкл Портер ги водеше Нагетси до триумф со 30 поени и 8 скока.

На другата страна, Лука Дончиќ го оствари својот шести трипл-дабл во сезоната со неверојатни 35 поени (11-23 од игра, 3-8 за три), 11 скока и 16 асистенции. Дончиќ трети пат во НБА кариерата забележува трипл-дабл со 30+ поени, 10+ скока и 15+ асистенции.

Репрезентативецот на Словенија е единствен во историјата на НБА со таков учинок пред да наполни 22 години. Надреално е тоа што го прави Лука. Ова беше четврта победа на Денвер Нагетс по ред и во моментов се 4. на Западот со скор 10-7. Далас Маверикс го претрпеа вториот пораз по ред и се 10-ти на Западот со 8 победи и 9 порази.

26 јануари 2021 - 10:04

Штета ако сте пропуштиле

Си немал Блумберг работа...

Бурма со одложено дејство

Македонија игра на долги патеки

Добриот, лошиот и воениот