Големиот Грег Поповиќ: „Замислете ја Југославија и сите овие играчи во иста екипа“

На крилата на Лука Дончиќ кој постигна 25 поени со 3 скока и 5 асистенции за 34 минути, Далас Маверикс го совлада Сан Антонио Спарс 104:99 во големото дерби на Тексас. Големиот и повеќекратен НБА шампион Грег Поповиќ си помуабети со Лука после мечот и нешто го насмеа.

После мечот на прес-конференција Грег Поповиќ пред новинарите изјавил:

„Замислете да постоеше Југославија и овие момци да беа во иста екипа. Тоа ќе беше возбудливо: Словенци, Хрвати, Срби и Босанци. Дончиќ ме потсети на тоа, секој нов кошаркар кој ќе се појави од Балканот е одличен. Во НБА сите ги паметиме настапите на Дивац, Кукоч и Петровиќ. Сепак, нешто друго ми е на памет. Како може да станеш толку добар во мала земја? Знам дека не играл на терени како во Њујорк, Чикаго или Лос Анџелес, каде што конкуренцијата е голема“, изјавил големиот Поп.

За Лука Дончиќ, Поповиќ рекол:

„На лично ниво, тој стварно ужива да игра и ми се допаѓа неговата емоција. Знаете, понекогаш се фрустрира и нешто е лут за нешто. Понекогаш, се кине од смеење и ужива во додавањата или во тројката што ја плеснал во лице. И просто ужива. Тој повеќе сака забава отколку да биде неверојатен играч“:

What are Gregg Popovich and Luka Doncic talking about? 💭👇

🎥 @dallasmavs pic.twitter.com/YFEDGLlgAY
— BasketNews.com (@BasketNews_com) October 29, 2021

Грег Поповиќ летово 2021 го водеше Дрим Тимот на САД до ново олимписко злато. Има пет шампионски прстени во НБА и важи за најдобриот тренер во модерната историја на светската кошарка.