Реал Мадрид и Барселона одиграа кошаркарски натпревар кој долго ќе се прераскажува. Кошаркарите на Реал Мадрид влегоа во овој дуел како фаворити, но по две продолженија славеше Барселона.
Вечните ривали одиграа интересен и неизвесен натпревар во кој се менуваа во водството, но ниту една екипа не успеа да направи двоцифрена предност.
Во последната четвртина Барса влезе со предност од 64:60 и следеше игра кош за кош и по истекот на 40 минути резултатот гласеше 77:77.
На 5 секунди до крајот на првото продолжение, Лорбек намерно промаши слободно фрлање, а потоа и погоди од поле за 93:93 и ново продолжение.
Барселона подобро го започна второто продолжение и го одржуваше водството за на крајот да слави со 111:108 за пласман во полуфиналето.
Инаку во лигата Барселона се наоѓа на 5-та позиција со 7 поени заостанување зад првопласираниот Реал Мадрид.
