Атланта го чува домашниот терен, 8 поени за Антиќ

Синоќа Мемфис го совлада Портланд и закажа дуел со апсолутниот лидер Голден Стејт, додека Атланта е на чекор од следната рунда. Половина екипа на Хокси играше под повреда.

Иако повредени, Џеф Тиг и Ал Хорфорд некако истуркаа до крајот на мечот на кој беа најефикасни со по 20 поени. Атланта славеше 107:97 и сега води 3-2 во серијата со Нетс.

Бруклин имаше заостаток од 17 поени после првата четвртина, но успеа да фати приклучок. Сепак, Џеф Тиг со повреден зглоб уфрли неколку важни поени. ДеМар Керол беше најефикасен поединец на средбата со 24 поени.

За 18 минути на теренот, Перо Антиќ постигна 8 поени имаше 4 скока и една асистенција. Кај Нетси, прв стрелец беше Ален Андерсон со 23 поени. Бруклин е домаќин на следниот натпревар, кога Атланта ќе се обиде да ја заврши серијата и да се пласира во полуфинале.

Повредените Тиг и Хорфорд играа машки до крај:

Алан Андерсон со страшно забивање:

Во Мемфис заврши серијата. Гризлис не препуштија ништо на случајот, одат во полуфинале со лесни 4:1 против Портланд Трејл Блејзерс. Марк Гасол блескаше со 26 поени и 14 скокови, а ова беше трет пат во последните пет години Мемфис да ја добива првата рунда во плејофот. Кај Портланд, најефикасен беше Колум со 33 поени, Лилард уфрли 22 а Ламаркус Олдриџ постигна 14 поени. Следен предизвик за Гризлите е најдобриот тим сезонава во НБА, Голден Стејт Вориорс.

Марк Гасол го одведе Мемфис во полуфиналето: