Апсолутна доминација - Анадолу Ефес шампион втор пат по ред

Кошаркарите на турски Анадолу Ефес го совладаа Реал Мадрид во големото финале на Евролига во Белград 58:57 и ја одбранија шампионската титула освоена минатата сезона. Василије Мициќ по втор пат е прогласен за најдобар играч (МВП) на Фајнал Фор.

Анадолу Ефес стана еден од ретките клубови кои ја одбраниле шампионската титула во Европа. На крилјата на неверојатниот Василије Мициќ кој постигна 23 поени (8/15 од игра) и Тибор Плајс со 19 поени (8/10) и 7 скока, избраниците на Ергин Атаман се качија на кровот на Европа.

Ефес е само третиот тим кој успеал да ја одбрани титулата во модерна Евролига. Претходно на тронот два пати по ред се качија Макаби (2004 и 2005) и Олимпијакос (2012 и 2013).

Двата тима се менуваа во водството, на едната страна доминираше Таварес кој беше несопирлив, а на другата српскиот репрезентативец Мициќ кој погаѓаше од сите позиции.

На паузата Реал Мадрид отиде со 5+ поени предност благодарение на серијата поени на Ентони Рендолф.

Во третиот период и двата тима имаа празни минути па речиси за десет минути паднаа само 19 поени.

Четвртата четвртина започна со предност на Реал Мадрид 42:40 но Ефес немаше намера да се предаде. До крајот Тибор Плајс блесна со офанзивни скокови а искусниот центар во таа фаза постигна многу важни поени.

Со неговиот кош Ефес отиде на 58:55 на 1.05 до крајот а Реал Мадрид до самиот финиш не успеа да се врати во игра и турскиот состав заслужено ја освои шампионската титула. 

Најефикасни кај шампионот беа Мициќ со 23 поени и Тибор Плајс со 19 поени, а Шејн Ларкин уфрли 10 поени со 6 скока и 4 асистенции.

Кај „кралевите“ Валтер Таварес уфрли 14 поени со 11 скока, а Серхио Љуљ потфрли со само 9 поени. Рендолф додаде шест поени а по пет Ханга, Дек и Поарие.

Претходно во дуелот за трето место Барселона го совлада грчки Олимпијакос со 84:74 и ја освои бронзата. 

Никола Миротиќ со 19 поени беше најефикасен кај Каталонците. Миротиќ е МВП во регуларниот дел од Евролигата (признание за најдобар играч сезонава). Ник Калатес додаде девет поени со 8 скокови и дури 13 асистенции а Турчинот Шанли уфрли 16 поени.

Кај Олимпијакос Саша Везенков малку го обели образот по очајната партија во полуфиналето па сега со 20 поени и 11 скока беше на ниво. Костас Слукас запиша 14 поени а Мексик додаде 11.

21 мај 2022 - 20:02

Штета ако сте пропуштиле

Љубов, вера и наплата

Запад веќе не може да го излаже светот

Џинџер Бејкер, терсене

Кој после ова нема да се измери?