Перо и колегите одиграа одлично во првото полувреме, посебно во одбраната каде целосно им ги затворија приодите на противничките кошаркари и го задржаа лидерот на само 32 поени.
Антиќ беше најдобар на паркетот во првиот дел кога постигна 12 поени, а Атланта на паузата замина со предност од 49:32. Домаќините го зголемуваа водството и во вториот дел и во еден момент имаа предност и од 25 поени, а на крајот триумфираа со 97:87.
Перо Антиќ одигра скоро 27 минути и го повтори својот рекорд од 16 поени, а оствари и четири скока и по една асистенција и блокада. (видео со сите поени тука)
Најефикасен кошаркар на натпреварот беше Пол Џорџ со 28 поени и 12 скокови.
Во сабота наутро во 1:30 по македонско време, Атланта ја пречекува екипата на Хјустон Рокетс.
