Некогашниот македонски репрезентативец Душан Савиќ кој играше за неколку овдешни клубови, сега настапува за ФК Дубочица од Лесковац. На мечот против Раднички Пирот во втората српска лига Савиќ постигнал хет-трик а еден од головите му бил поклон од гостинскиот голман Растко Шуљагиќ.

Куса сторија со пример колку голем беше Марадона и колкава почит имаат другите за него.

Карло Анчелоти и Диего Марадона никогаш не играа заедно, туку беа противници како играчи на Наполи и Милан на почеток на 90-те. Но стратегот на Евертон делуваше скршено додека му оддаваше почит пред мечот со Лидс, како да го испраќа најдобриот другар.

Важи за класична голгерска 9-ка која не простува и владее во опасната зона за шут, ама чекајте да видите како се однесува кога ќе го остават сам на 20 метри. Џабе си ги испржи прстите голманот на Штутгарт.

Диего два пати во животот бил во Белград. Првиот во 1982 кога во дресот на Барселона постигна епски гол и 90.000 луѓе на Маракана му аплаудираа стоечки. Втор пат бил во 2005-та кога со режисерот Емир Кустурица снимале сцени за документарниот филм. Во таа прилика бил со Дуле Савиќ на еден сплав каде ги забавувале трубачи.

Селекторот на Македонија Игор Ангеловски седнува на интервју за австралиско радио, а од таму му прават изненадување. Во кадар се појавува Андон Дончевски, човекот кој ги удри темелите на македонската репрезентација. Три и кусур минути го фалеше.

Нема промени за македонската фудбалска репрезентација на најновото рангирање според ФИФА, за што многу не се потресовме со оглед на тоа што годинава остваривме епски успех за паметење.

Наполи синоќа ја совлада Ријека 2:0 во Лига Европа, а домаќините на достоен начин и оддадоа почит на легендата. Мечот мина без навивачи кои може само да замислиме што чудо од кореографија ќе направеа доколку не беше короната.

Изморен од бурниот живот, исцрпен од последната операција на мозокот, Диего Марадона излегува на улица придружуван од четворица луѓе од кои едниот му носи столче. Го снима комшика од прозор, а на видеото се гледа дека едвај се движи кутриот.

Арсенал дури во вториот дел го скрши отпорот на норвешки Молде, славеше со 0:3 и се пласираше во нокаут фазата на Лига Европа. Ама сè ќе беше поинаку ако домашниот стопер Шериф Синјан во 15' минута не промашеше чист зицер. Притоа се опна кај што најмногу боли.

Црвена звезда со 0-2 го победи Гент во Белгија во групната фаза од Лига Европа. Првиот гол на овој меч падна во 53' секунда и е еден од најбрзите во историјата на ова натпреварување. Његош Петровиќ распали со сета сила од 30-ина метри и топката под пречка влезе во гол.

Жозе и Марадона имале посебен однос и редовно се слушале и разговарале. Мурињо вели дека многу ќе му фалат тие муабети после поразите, зошто Диего му се јавувал во тешки моменти, а не после победи.

Победничката серија на Мурињо и лидерот во Премиер лига Тотенхем продолжи во Лига Европа каде со 4-0 го добија бугарски Лудогорец. Во 63' минута од мечот Хари Винкс постигна фантастичен погодок за 3-0 од 40-ина метри:

Аргентина е во тага и плач и не може да се помири што нивниот фудбалски Бог повеќе го нема. Колони со илјадници луѓе тргнаа и трчаа по него, а семејството и покрај тоа што бараше, не успеа да го испрати во интимна атмосфера.

На 22 јуни 1986-та, четири години по крајот на воениот конфликт меѓу Аргентина и Англија за Фолкландски острови, репрезентациите на овие две земји се сретнаа на Светско првенство каде падна најконтроверзниот гол во историјата.

Јасно е дека денеска насловните страници на сите спортски весници ќе бидат посветени на Марадона. Но оној кој се издвои е Лекип каде не веруваме дека претходно уредништвото воопшто помислило на ваква конструкција на реченица.

Аргентина тагува по човекот кој не го сметаат само за најголем фудбалер и толку, туку го сакаат на ниво на божество. Два дена збогување за Буенос Аирес е премалку.

„За таков живот беа потребни две срца. Не се снајде најдобро вон фудбалскиот терен и често проаѓаше низ тешки периоди. Патеше со дрога, но и тоа го решаваше привремено како што ги решаваше најтешките ситуации во фудбал. За жал за еден таков живот беа потребни две срца, а не само едно. Ќе има побрзи играчи, подобри голгетери, но тешко ќе гледаме некој што толку ќе го сакаме“, изјавил режисерот Кустурица по смртта на Марадона.

Здравствените проблеми на Диего Марадона не беа нови со оглед на неговиот начин на живот, а ситуацијата му се влошила во последните година дена.

За некого можеби е непознат факт, но Марадона има гостувано на Маракана во Белград со тимот на Барселона. Прилика за двајца македонски репрезентативци да се најдат рамо до рамо со аргентинската икона.

Светот уште полека ја прима веста за смртта на еден од најголемите фудбалери на сите времиња, човек чие име го спомнуваше секое дете кога ќе прославеше гол или добар дриблинг во школскиот двор. За кариерата на Марадона е пишано многу, но за неговиот живот се знае помалку.

Вториот негов клуб во кариерата беше Бока Јуниорс, каде 15 години подоцна ја заврши и кариерата. Годинава за последен пат им се појави, но во тренерска улога на друг клуб. Побудалеа навивачите.

Сите натпревари од Лига на шампиони започнаа со едноминутен молк, така ќе биде и вечерва во Лига Европа. Во Аргентина прогласена тродневна жалост. Диего Марадона почина од срцев удар на 60 години.