Лига Европа, сезона 2014/2015. Астерас Триполис од Кипар губи дома од Тотенхем 0:5. Хари Кејн постигна хет-трик, ама треба и да брани, бидејќи Љорис доби црвен после извршени три измени. Да се потсетиме како англискиот напаѓач се снајде на гол.

Фудбалерите на Рома со голови во 88-ма и 92-ра ја решија Верона гости со 1:3, откако домаќините се држеа со играч помалку уште од прво полувреме. Тами Абрахам во конкуренција за промашување на сезоната во Серија А.

Калифа Кулибали од Мали кој летово направи трансфер од Нант во Црвена Ѕвезда, се надмина себе си со потегов и успеа да го збуни и коментаторот. Сакаше да го даде со десна, ама топката го удри во лева и влезе во гол. Нереална сцена.

Барселона во неверојатно драматична завршница со 0-1 со голот на Роберт Левандовски ја совлада Валенсија на „Местаља“ и ја продолжи трката за прво место со лидерот Реал Мадрид. Во еден момент францускиот стопер од Барса Жил Кунде се пожалил на умор, а тренерот Чави го викнал Пике да влезе во игра. А овој пустиот копачките врзани во чвор уште пред да ги облече.

Кристијано Роналдо не трпи критики. Не многу одамна помина покрај студиото на Скај спорт и се поздрави со сите освен со Џејми Карагер. Пред мечот против Вест Хем, суетата не му дозволи да му каже едно здраво ниту на Невил со кој делеа еден куп убави мигови на Олд Трафорд. Се поздрави со Луј Саха и Џејми Реднап, ама не и со поранешниот соиграч кој го критикува на тв.

Легендарниот уругвајски центарфор Луис Суарез со два убави гола му донесе шампионска титула на Насионал Монтевидео во тамошната лига. 49-та за славниот клуб од главниот град на Уругвај.

Во саботата вечер за време на мечот Интер - Сампдорија, во Милано проструила вест за убиство на Виторио Бојоки, 69-годишен легендарен водач на тифозите на Интер, после што целата северна трибина на „Сан Сиро“ се испразни набрзина и експресно сите знамиња и барјаци беа повлечени.

Неверојатно е ова што го направи младиот Русин Андреј Батјирев од футсал клубот Тјумен во ремито 3:3 против клубот КПРФ. Нереален гол.

Фудбалерите на Милан кикснаа на гостувањето против Торино од каде се вратија со пораз од 2:1, кој ги оддалечи 6 бода од Наполи. Пиоли го извади Рафаел Леао на полувреме, кој уште во воведните 5 минути реагираше многу лошо пред гол и тоа сам на два пати.

Француски CANAL+ Foot го седнува на интервју човекот кој за четири сезони во Лига 1 со ПСЖ освои 12 трофеи и постигна 156 гола. А тој вели вака:

Во аргентинскиот фудбал падна скроз необичен гол и тоа во Куп финале, вреден трофеј за тимот на Патронато против Талерез. Го постигна Тиаго Банега. Од борба за топка меѓу двајца, се случи голчиште кое го изненади голманот.

Во рамки од 10. коло на македонската втора лига, Вардар со 2-1 ја совлада Воска Спорт од Охрид. На стадионот „Железарница“ во скопската населба Автокоманда, пред полни трибини со „Комити“, црвено-црните победија со головите на Дарио Десниќ во 18-та и капитенот Дарко Мицевски во 20-та минута. Еврогол за насловни страни.

Тотенхем одигра уште еден драматичен дуел. После само три дена по драмата со Спортинг во Лига на шампиони кога со ВАР им беше поништен гол за 2-1 во судиско продолжение, во саботата со Борнмут на гости следеше нова лудорија.

ПСЖ ја совлада Троја со 4:3 во меч во кој на два пати беше во негатива. Играч број 1 како и многу пати сезонава беше Лео Меси кој во рок од 7 минути одигра во негов стил со два јаки потези.

Само четири дена откако беа елиминирани во ЛШ и промашија пенал во 99-та минута, фудбалерите на Атлетико загубија во Ла Лига со гол во 99-та од претпоследниот на табела.

Пред почетокот на мечот главниот судија ги собира капитените на двата тима и им кажува да бираат петка или глава па секој да си одбере страна на која ќе почне или прв посед на топка. Во Аргентина за тоа викаат „Меси или Марадона“.

Дефанзивецот на Арсенал кој е на позајмица во Монца, Пабло Мари преживеал стравичен напад од психопат во супермаркет Карфур во трговски центар во реонот Асаго близу Милано. Напаѓачот од чиста мира убил еден касиер, а повредил и четири други лица пред да биде совладан од некогашен соиграч на Марадона во Наполи.

АЕК Ларнака и Динамо Киев одиграа 3:3 во меч од Лига Европа во кој кипарскиот состав водеше 3:1 но на крај ја прокоцка победата. Два гола даде израелскиот репрезентативец Омри Алтман од кои едниот веруваме ќе се врти цела сезона по хајлајтсите.

Жозе Мурињо во последниве неколку сезони се мачи да победи на секое гостување во студената Скандинавија. Синоќа со Рома едвај го доби Хелсинки со 1-2 и тоа со автогол на домашните во 62’ минута. Притоа во Хелсинки на домашниот играч Дејвид Браун му поништија СТРАШЕН ГОЛ за 2-2. СТРАШЕН! Пред последното коло во Лига Конференции, Рома е трета зад Бетис и бугарски Лудогорец.

Со головите на Дало, Рашфорд и Кристијано Роналдо Манчестер Јунајтед со 3-0 го совлада Шериф Тираспол и со 4/5 и 12 освоени бода рутински се пласираше во следната рунда на Лига Европа. Ги чека уште едно формално гостување кај Реал Сосиедад во последното коло. Синоќа против Шериф шоу правеше Ентони а Кристијано после долго време постигна гол.

Групата Д во Лига на шампиони е најнеизвесна од сите. Таму сите четири екипи конкурираат за место понатаму. Тотенхем синоќа губеше дома 0-1 од Спортинг Лисабон и израмни со гол дури во 80’ минута. Не победија и ќе треба во последно коло на пеколно гостување во Марсеј да се борат за пласман во следна рунда. Ама со вакви постапки како на бекот Емерсон Ројал нема далеку да стигнат.

Ниту во времето на Диего Армандо Марадона, не се видел ваков убиствен старт на Наполитанците кои заедно со ПСЖ се единствени непоразени екипи во топ 5 лигите во Европа.

Шпанскиот клупски фудбал доживеа силен шамар откако групната фаза во Лига на шампиони ја пројде само Реал Мадрид. Испаднаа и Севиља пред време, и Атлетико Мадрид и Барселона.

МТВ и КФМ со поддршка на семејството Георгиевски, скоцкаа документарен филм за Благоја Георгиевски Буштур кој загина во сообраќајна несреќа на 29 јануари 2020-та. Лазар Лечиќ и Светислав Пешиќ се само дел од легендите кои сведочат за легендата на КК Работнички. Се вика „Среќна 13-ка“ и премиеро ќе оди на МТВ 1 во сабота од 20:50.