Ѕвездите на ПСЖ славеа против ѕвездите на тимот комбиниран со играчи од Ал Наср и Ал Хилал во синоќешната пресметка што се одигра во Ријад.

Се вика Јаго Пикачу. Играл пет сезони за Васко де Гама, а сега е во Форталеца. Здрав прав напаѓач со 10 години сениорска кариера и 112 гола е нереално вака да реагира пред гол.

Во 19. коло од Премиер лигата, момците на Ерик тен Хаг беа на само неколку мигови да ја запишат и осмата победа по ред на сите натпреварувања. Славјето им го расипа 21 годишниот Мишел Олисе со мајсторија од слободен удар. Јунајтед и Сити сега се израмнети со -8 од Арсенал.

Кој стигне, 100 години ги пцуе од трибини. Ама зошто да трпат ќотек? Во Бразил се спремни и храбри.

На средба од португалската младинска лига меѓу младинците на Рио Аве и Брага, при резултат 1-2 за гостите, во 90-та минута од мечот, голманот Жоао Карваљо прави два крајно ризични дриблинзи пред својот гол. Рулет на кој ретко кој голман би се одлучил.

Во 1/8 финалето од турскиот Куп, Галатасарај со 1-2 на гости ја победи Алањаспор. Вториот погодок за гостите од Истанбул го даде Белгиецот кој од Наполи дојде во Турција. Дрис Мертенс во свој стил.

Во реванш мечот од 3. рунда на ФА Купот, откако првиот меч на „Енфилд Роуд“ заврши 2:2, Ливерпул со мешан состав на гости го совлада Вулверхемптон 0:1. Единствениот гол на дуелот беше ремек-дело на младиот Харви Елиот после соло акција.

Во 3. рунда од англискиот ФА Куп Бирмингем со 1-2 на гости го победи Форест Грин кој прв поведе на мечот. Во еден напад за домашните, гостинскиот голман Неил Етериџ кој има 32 години имаше нереални одбрани. Надчовечки паради.

Легендарниот уругвајски напаѓач покажува класа каде и да игра. Луис Суарез дојде во славниот Гремио каде на претставување го пречекаа илјадници навивачи, а дебитираше маестрално.

За време на мечот меѓу Сантос Лагуна и Пумас УНАМ кој заврши 3:0 за домаќините, имало една невообичаена ситуација пред гостинскиот гол за време на еден корнер.

Управата на Арсенал трпеливо го сочека Микел Артета да изгради тим. Долго време „топџиите“ беа предмет на потсмев на навивачите на клубовите од врвот на Премиер лига, но сега дојде нивно време. Дојдоа петте минути на Артета кој Жозе ги најави одамна.

Необична сцена од мечот Челси - Кристал Палас, снимена од зад гол со Кепа кој упорно им ја враќа топката на навивачите. Тврдат дека задржувал време, што би било очај за голман кој брани во клуб кој е поранешен шампион на Англија и Европа. Инаку Челси победи 1:0 и ја прекина лошата серија.

Веќе неколку децении во Имотски се игра најнеобичниот фудбалски натпревар. Се користи пресушено дно на природниот бисер Модро езеро и пред илјадници гледачи се игра традиционален дуел меѓу Вилењаци и Вукодлаци.

На средба од француска трета лига меѓу ФББП 01 и Конкарно, домаќинот победил 3:2. Вториот гол за гостите бил автогол на домашниот голман Франк Л’Остис. Многу смешен автогол каков што скоро си даде и Уго Лорис на мечот Тотенхем - Арсенал.

За најтрофејниот италијански клуб несвојствено е да прима по 5 гола на натпревар. Наполи на медиумите им отвори работа да копаат во историјата кога претходно им се случувале вакви порази. Со последните два е поврзан Алегри.

На Лион не му оди сезонава и се наоѓа на 9-та позиција. Интересно имаат ист број на порази, вкупно осми со Стразбур кој од 19-та рипна на 16-та позиција. Лион - Стразбур 1:2. Напаѓачот Карл Токо Екамби играше во напад и во тунел.

Чик Броди е голема клупска легенда на Брентфорд. Тој бранел на 219 натпревари и во ’60-те години бил еден од најдобрите англиски голмани. Но неговата кариера завршила апсурдно малерозно. За време на еден меч меѓу Колчестер и Брентфорд во 1969-та година на сред терен влегува куче и трча безумно по цело игралиште. Натпреварот не се прекинува а во еден момент кучето се залетува по топката и удира во голманот Броди. Епилог: скинати лигаменти, тешка повреда и крај на една богата кариера.

Во саботата во Премиер лига играа Евертон и Саутемптон. Гостите решиле да дојдат ден претходно и да преспијат во хотел во Ливерпул (растојанието меѓу градовите е 300 км). Во текот на ноќта некои навивачи на „карамелите“ распалиле огномет со цел да им го нарушат сонот на гостите. На крај Саутемптон победи 1-2 после пресврт па оставиле убав коментар и препорака на сметка на хотелот.

Арсенал е top of the league. Дечките од северен Лондон играат сјајна сезона и заслужено се први на табела со дури осум бода пред силниот Ман. Сити на Гвардиола. Во неделата на гости го победија вечниот ривал Тотенхем со 0:2 а демонстрација на моќ имаше Бразилецот Мартинели со лежерен прием на грб.

Кога во Италија се нарачува кафе, се мисли на еспресо, ама од викендов во Неапол најслатко и најпродавано кафе е капучиното.

Со маестрална игра фудбалерите на Барселона го совладаа најголемиот ривал 3:1 и не му оставија ни промил шанса на Реал Мадрид да стигне до трофејот. Ова е прв пехар за Каталонците после цели две години и прв голем трофеј за Чави како тренер.

По шест натпревари без гол, Бојан Миовски и годинава ја продолжува одличната деби сезона во Шкотска каде на конто има 12 гола на 23 средби. Македонскиот центарфор го отвори резултатот во првиот дел со одлична завршница, но во финалето на Лига Купот во Шкотска оди Глазгов Ренџерс, бидејќи го сврте резултат на 2:1.

Масимилијано Алегри повеќе од очигледно дека многу тешко го прими поразот од Наполи од 5:1 и сакаше да го избегне ракувањето со Спалети. Ама овој приреди јака сцена која ја уловија камерите. Јуве прима 5 гола во Серија А после 30 години.

Елиф Елмас го запиша вториот гол во 2023-та и вкупно петти сезонава во Серија А, откако синоќа лесно го реши Филип Костиќ во дуел еден на еден и го заокружи дебаклот на Јуве од 5:1. Без разлика дали е стартер или замена, веќе стана препознатлив како играч кој секогаш го дава максимумот, а тоа го вели во изјавите и Спалети. Кај нас е познат како „македонски дијамант“, а кај нив од сега како „El Massimo“ или во превод „Максимумот“.